¿Mi chapalot mi oy kʼusi tsots kʼot ta pasele?

Ta skoj ti poʼot xa xichʼ lajesel skotol li kʼusitik oye, mas to ch˗epaj batel li paskʼope xchiʼuk li kʼusitik xibal sba tspasike (Ap 6:4). Mi jech kʼot ta pasel taje, ¿kʼusi skʼan jpastik sventa chapalukutike?

• Chapano aba ta mantal. Nopbo skʼoplal beiltaseletik xchiʼuk loʼiletik ta Vivlia ti tskoltaot sventa masuk to xapat avoʼonton ta stojolal Jeova xchiʼuk li s˗organisasione xchiʼuk ti tskoltaot sventa mu xakap aba li ta kʼusitik tspas yantike (Pr 12:5; jr˗S paj. 125, 126 par. 23, 24). Li avie, jaʼ me yorail sventa masuk to lek xavil aba xchiʼuk li ermanoetik ta atsobobbaile (1Pe 4:7, 8).

• Chapano li kʼusi chtun avuʼunike. Teuk nakʼal avuʼun jutebuk kʼusi xuʼ xalajes xchiʼuk nopo kʼusi chapas mi mu xa xuʼ xalokʼ ta anae. Nopo kʼusi xuʼ xapas xtok mi skʼan xalokʼ batel ta anae. Kʼelo mi lek chapal li amochilae, mu me xchʼay ta ajol xatikʼ ochel atakʼin xchiʼuk yan kʼusitik sventa xachabi˗o aba (aguante, acubreboca o yan kʼusitik). Teuk me avichʼojbe snumero li moletike xchiʼuk teuk yichʼojik li anumero eke (Is 32:2; g17.5˗S paj. 3-7).

Kʼalal jaʼo tsots kʼusi yakal chkʼot ta pasele, mu xavikta spasel li kʼusitik sventa mantale (Flp 1:10). Te noʼox oyan ta ana mi mu persauk skʼan xalokʼe (Mt 10:16). Xanaʼuk me xavakʼbe yantik li kʼusi x-ayan avuʼune (Ro 12:13).

MI LA AK’ELIK LI VIDEO ¿MI CHAPALOT XA MI OY KʼUSI KʼOT TA PASEL TA ANILE?, TAK’IK LI SJAK’OBILTAK LI’E:

• ¿Kʼuxi tskoltautik Jeova kʼalal oy kʼusi chkʼot ta pasel ta anile?

• ¿Kʼusi xuʼ jpastik sventa chapalutik noʼoxe?

• ¿Kʼuxi xuʼ jkoltatik li yantike?