Kʼotuk kuʼuntik ta yoʼonton li mantale

Sk’an xlok’ ta ko’ontontik ti ta jch’unbetik smantal Diose (Pr 3:1). Ja’ yu’un, k’alal chijchanubtasvane, sk’an xkak’tik persa sventa xk’ot ta yo’ontonik li k’usi chkaltike. Pe ¿k’uxi xu’ spas ku’untik?

Mu ja’uk no’ox xavak’be xchan avaj-estudio li k’usi chal ta Vivliae, yu’un sk’an xakolta xtok yo’ xil k’uxi chtun ta xkuxlejal xchi’uk ti k’uxi chkoltaat sventa masuk lek xil sba xchi’uk li Jeovae. Ak’bo yil ti ja’ svinajeb ti sk’anojutik Dios, ti lek yo’onton xchi’uk ti tuk’ k’alal chalbutik mantaletike. Oyuk k’usi xajak’be ta slekil avo’onton yo’ snopbe sk’oplal k’u yelan chil li k’usi yakal chchane. Koltao yo’ xak’ venta k’uxi xu’ xlekub xkuxlejal mi chikta spasel li k’usi sp’ajoj Diose. Mas me xamuyubaj k’alal chavil ti mas xa chlik sk’an Jeova li avaj-estudioe.

MI LA AK’ELIK LI VIDEO XIJMUYUBAJ YUʼUN TI TA JPASTIK TA YAJTSʼAKLOM KRISTO LI KRIXCHANOETIKE. TOJOBKUTIK MAS: KʼOTUK KUʼUNTIK TA YOʼONTON LI MANTALE, TAK’IK LI SJAK’OBILTAK LI’E:

• 

  Li Ritae, ¿k’u yu’un la sjak’be Coral mi oy la snopbe sk’oplal li k’usi la slo’iltaike?

• 

  Li Ritae, ¿k’uxi laj yak’be yil Coral ti ja’ svinajeb ti k’anbil yu’un Jeova k’alal chal junuk mantale?

• 

  Li Ritae, ¿k’uxi la stijbe yo’onton Coral yo’ xak’be yil Jeova ti sk’anoje?