TOJOBKUTIK MAS TA SPASEL LI KABTELTIKE | MUYUBAJKUTIK LI TA CHOLMANTALE
Jkoltatik li buchʼutik chkakʼbetik estudio sventa xiktaik li kʼusi chopol tspasike
Sventa xkʼotik ta yamigo Jeova li kaj˗estudiotike, skʼan xiktaik li kʼusi chopol nopem xaʼiik spasele (1Pe 1:14-16). Mi tsal yuʼunike, yikʼaluk van xlekub ti kʼu yelan xil sbaik xchiʼuk yutsʼ yalalike, muʼyuk mas ch˗ipajik xchiʼuk muʼyuk mas chil svokolik ta takʼin.
Kalbetik ta jamal li smantaltak Jeovae, ti kʼu yuʼun skʼan jpastike xchiʼuk kʼusi sbalil ta jtabetik mi chkakʼ ta jkuxlejaltike. Jkoltatik sventa sjel li kʼusi tsnopike, vaʼun jaʼ chkoltaatik sventa sjel stalelalik ta tsʼakal (Ef 4:22-24). Kalbetik ti ta onoʼox xkoltaatik yuʼun Jeova sventa xiktaik li kʼusi chopol akʼo mi nopem tajek xaʼiik spasel (Flp 4:13). Jchanubtastik sventa skʼanbeik koltael ta anil Jeova kʼalal oy kʼusi chopol tskʼan tspasike. Jkoltatik yoʼ xakʼik venta li kʼusitik xuʼ xtijbat˗o yoʼontonik ta spasel li kʼusi chopole, vaʼun kalbetik ti jaʼuk xa spasik li kʼusi leke, maʼuk li kʼusi nopem toʼox xaʼiik spasele. Kʼalal chkiltik ti chkoltaatik yuʼun Jeova li kaj˗estudiotik sventa sjel xkuxlejalike, chijmuyubaj tajek.
MI LA AK’ELIK LI VIDEO JKOLTATIK LI BUCHʼUTIK CHKAKʼBETIK ESTUDIO SVENTA XIKTAIK LI KʼUSI CHOPOL TSPASIKE, TAK’IK LI SJAK’OBILTAK LI’E:
Li moletik xchiʼuk Ritae, ¿k’usi la spasik kʼalal laj yaʼiik ti tslajes mariuana li Corale?
¿K’usi la spas Rita sventa skolta li Corale?
¿K’usi la spas Coral sventa xkoltaat yu’un li Jeovae?