TOJOBKUTIK MAS TA SPASEL LI KABTELTIKE | MUYUBAJKUTIK LI TA CHOLMANTALE
Jkoltatik li buchʼutik chkakʼbetik estudio sventa xkʼotik ta yamigotak Jeova
Li Jeovae tskʼan ti xijtun ta stojolal ta skoj ti jkʼanojtike (Mt 22:37, 38). Mi skʼanojik Dios li kaj˗estudiotike, jaʼ chkoltaatik sventa sjel xkuxlejalik, sventa stsal yuʼunik li prevaetike xchiʼuk chtijbat yoʼontonik yoʼ xichʼik voʼ (1Jn 5:3).
Jkoltatik kaj˗estudiotik sventa snaʼik ti kʼanbilik yuʼun li Jeovae. Xuʼ xi jakʼbetike: «¿Kʼusi chchanubtasot ta sventa Dios liʼe?» o «¿Kʼuxi chakʼ avil ti skʼanojot Jeova liʼe?». Jkoltatik yoʼ xakʼik venta kʼuxi yakal chkoltaatik yuʼun li Jeovae (2Kr 16:9). Kalbetik kʼuxi stakʼoj j-orasiontik li Jeovae xchiʼuk jtijbetik yoʼontonik sventa xakʼik venta kʼuxi chtakʼbatik ek. ¡Xijmuyubaj tajek kʼalal chkakʼtik venta ti yamigo sbaik xchiʼuk Jeova li kaj˗estudiotike xchiʼuk ti skʼanoj sbaik tajeke!
MI LA AK’ELIK LI VIDEO JKOLTATIK LI BUCHʼUTIK CHKAKʼBETIK ESTUDIO SVENTA XKʼOTIK TA YAMIGOTAK JEOVA, TAK’IK LI SJAK’OBILTAK LI’E:
¿Kʼusi la snuptan li Corale?
¿Kʼusi la spas Rita sventa skolta?
¿Kʼusi la spas Coral sventa stsal yuʼun li kʼusi la snuptane?