TOJOBKUTIK MAS TA SPASEL LI KABTELTIKE | MUYUBAJKUTIK LI TA CHOLMANTALE
Jkoltatik kaj-estudiotik sventa smakʼlin sbaik ta mantal
Sventa xojtikinik Jeova li kaj-estudiotike xchiʼuk ti xchʼiik ta mantale, mu baluk noʼox ti xkakʼbetik xchanik li chanubtaseletik mas tsotsik skʼoplal chal Vivliae (Mt 5:3; Ebr 5:12–6:2). Skʼan smakʼlin sbaik ta mantal stukik.
Ta slikebal noʼox chanubtaso avaj-estudiotak yoʼ xchapan sbaik xchiʼuk tijbo yoʼontonik sventa jechuk spasik (mwb18.03 paj. 6). Albo smelolal kʼu yuʼun tsots skʼoplal ti spasik orasion kʼalal skʼan toʼox xchanunaj stukike. Koltao sventa xtojobik stunesel li JW Library, Watchtower Library, VIVLIOTEKA TA INTERNET yuʼun Watchtower, jw.org o li yan kʼusitik oy kuʼuntik sventa xchanunajike. Koltao xtok sventa staik li kʼusitik mas achʼ oy li ta jw.org xchiʼuk JW Broadcasting®. Ta kʼunkʼun, koltao sventa xnop xaʼiik ti xchan Svivliaik skotol kʼakʼale, ti xchapan sbaik sventa tsobajeletike xchiʼuk ti sabeik stakʼobil li kʼusi tskʼan tsnaʼike. Tijbo yoʼontonik yoʼ snopbeik skʼoplal li kʼusi chchanike.
MI LA AKʼELIK LI VIDEO JKOLTATIK LI BUCHʼUTIK CHKAKʼBETIK ESTUDIO SVENTA SMAKʼLIN SBAIK TA MANTAL, TAKʼIK LI SJAKʼOBILTAK LIʼE:
Li Ritae, ¿kʼuxi la skolta Coral sventa xaʼibe smelolal ti mu jaʼuk noʼox sabe stakʼobiltak kʼalal oy kʼusi chchane?
Li Corale, ¿kʼuxi kʼot ta yoʼonton ti oy srason Jeova kʼalal chal ti skʼan mu xijmulivaje?
Koltao avaj-estudiotak sventa xaʼibeik smelolal li kʼusi chchanike xchiʼuk ti xakʼ ta xkuxlejalike.
Li Corale, ¿kʼusi la xchan ta sventa ti snopbe skʼoplal li kʼusi chchane?