TOJOBKUTIK MAS TA SPASEL LI KABTELTIKE | MUYUBAJKUTIK LI TA CHOLMANTALE
Jtunestik li abtejebaletik sventa jchantik mase
Li Jeovae yakʼoj li kʼusitik chtun kuʼuntik sventa xijtojob lek ta chanubtasvaneje. Jech kʼuchaʼal videoetik, tratadoetik, revistaetik, foyetoetik, livroetik xchiʼuk li Vivlia ti jaʼ mas jtunel kuʼuntike (2Ti 3:16). Jech xtok, yakʼoj kabtejebtik sventa jsabetik mas skʼoplal li kʼusi chal Vivliae, vaʼun ti jnaʼtik kʼuxi ta jchapbetik smelolale. Jech kʼuchaʼal li Watchtower Library, JW Library®, VIVLIOTEKA TA INTERNET yuʼun Watchtower™ xchiʼuk li Saʼobil sventa xchanik mas li stestigotak Jeovae.
Chakʼupin mi chatunes skotol li kʼusitik oy sventa jchantik mase, yuʼun xuʼ te xata kʼusitik kʼupil sba ta Vivlia. Akʼbo yil avaj-estudiotak kʼuxi xuʼ stunesik li abtejebaletik taje, vaʼun ta me xmuyubajik ti tstabeik stakʼobil ta Vivlia li kʼusi tskʼan tsnaʼike.
MI LA AKʼELIK LI VIDEO XIJMUYUBAJ YUʼUN TI TA JPASTIK TA YAJTSʼAKLOM KRISTO LI KRIXCHANOETIKE. JTUNESTIK LI KOLTAELETIK YAKʼOJ JEOVAE: LI ABTEJEBALETIK SVENTA JCHANTIK MASE, TAKʼIK LI SJAKʼOBILTAK LIʼE:
¿Kʼusi laj yal Coral ta sventa li kʼusitik pasbile?
¿Bu la sabe mas skʼoplal li Ritae?
Xijmuyubaj kʼalal oy kʼusi kʼupil sba ta jtatik ta Vivlia xchiʼuk ti chkalbetik yantike.
¿Kʼusi la stsak ta venta Rita sventa jaʼuk saʼ li kʼusi tskʼan tsnabe skʼoplal Corale?
¿Kʼusi sbalil la stabe Rita kʼalal la stunes li abtejebaletik sventa jchantik mase?