LI JKUXLEJALTIKE

Oy kʼusi labal sba la spas li chʼul espiritue

Jlik mukʼta vun ti chalbe skʼoplal li pelikula La Sociedad del Nuevo Mundo en acción ta inglés.

Ti kʼu xa sjalil echʼem tale, ep kʼusitik labalik sba spasoj li yajtuneltak Dios ta skoj ti koltabilik tal yuʼun li Jeovae. Li ta 1954, li j-organisasiontike la slokʼes ta inglés li pelikula La Sociedad del Nuevo Mundo en acción. Jutuk mu skotolikuk li buchʼutik koltavanik li ta abtelal liʼe muʼyuk spasojik-o pelikulaetik. Pe koltaatik yuʼun li xchʼul espiritu Jeovae, jaʼ yuʼun pas yuʼunik li abtelale. Taje chakʼ kiltik ti spas kuʼuntik kʼusiuk abtelal mi ta jpat koʼontontik ta stojolal Jeovae (Sak 4:6).

MI LA AKʼELIK LI VIDEO KʼUXI LAJ YICHʼ PASEL LI PELIKULA «LA SOCIEDAD DEL NUEVO MUNDO EN ACCIÓN», TAKʼIK LI SJAKʼOBILTAK LIʼE:

¿Kʼu yuʼun laj yichʼ pasel jun pelikula ti chalbe skʼoplal li smeʼ nail abtelale?
¿Kʼuxi vinaj ta pelikula ti xkoʼolaj kʼuchaʼal stsʼakbenal jbekʼtaltik li Betele? (1Ko 12:14-20).
¿Kʼusi vokol laj yaʼiik li ermanoetike, xchiʼuk kʼuxi tsal yuʼunik?
¿Kʼusi laj yakʼ achan ta sventa li xchʼul espiritu Jeovae?