«Li paskʼope jaʼ yuʼun li Jeovae»

Li Davide spatoj yoʼonton ta stojolal Jeova ta skoj ti xojtikine xchiʼuk ti oy xa ox koltaateme (1Sa 17:36, 37; wp16.5 paj. 11 par. 2, 3).

Li Davide muʼyuk la skoʼoltajes sba xchiʼuk li Goliate, yuʼun jaʼ la skoʼoltajes xchiʼuk Jeova li Goliate (1Sa 17:45-47; wp16.5 paj. 11 par. 8, 9).

Li Davide la stsal li yajkontra ti lek tsotse ta skoj ti koltaat yuʼun li Jeovae (1Sa 17:48-50; wp16.5 paj. 12 par. 4; kʼelo li lokʼol ta pajina 1).

Bakʼintike, oy kʼusitik ta jnuptantik ti xkoʼolaj ti ta jtsaktik ta kʼop mukʼta natil krixchanoetike, jech kʼuchaʼal li kontrainele o ti xkiktatik li kʼusi nopem xkaʼitik spasel ti chopole. Kʼalal tsots tajek chavil avokole, teuk ta ajol ti mi jsetʼuk xkoʼolaj xchiʼuk li sjuʼel Jeovae (Job 42:1, 2).