Mu teuk-o sbatel osil li jvokoltike

Toj anil chchibajesvan li vokoliletike, mas to kʼalal chjalij tajeke. Li Davide snaʼoj ti muʼyuk chjalij tajek li skʼopik xchiʼuk Saule xchiʼuk ti jaʼ chkʼot ta ajvalil kʼuchaʼal albil xa onoʼox yuʼun Jeovae (1Sa 16:13). Ta skoj ti oy xchʼunel yoʼonton li Davide, jaʼ koltaat sventa smala ti xchapanbat yuʼun Jeova li svokoltake.

Kʼalal ta jnuptantik vokoliletike, xuʼ jnoptik lek kʼuxi xuʼ jchapantik xchiʼuk ti xkakʼ ta ilel jpʼijiltike (1Sa 21:12-14; Pr 1:4). Pe bateltike, muʼyuk onoʼox chchʼay li jvokoltik akʼo mi xkakʼtik persa xchapanele xchiʼuk ti jchʼunbetik smantal Jeovae. Mi jech kʼot ta jtojolaltike, skʼan jmalatik ti jaʼuk skoltautik li Jeovae. Poʼot xa slajesbe skʼoplal skotol li kʼusi chakʼ jvokoltike xchiʼuk tskus skotol li yaʼlel jsatike (Ap 21:4). Xuʼ van chchʼay jvokoltik ta skoj ti tskoltautik li Jeovae o xuʼ yan kʼusi chkʼot ta pasel, pe li kʼusi jnaʼojtik ta melele jaʼ ti mu teuk-o sbatel osile. Taje tspat tajek koʼontontik.

MI LA AKʼELIK LI VIDEO JMOJ OYIK AKʼO MI OY PʼAJBAIL LI TA BALUMILE, TAKʼIK LI SJAKʼOBILTAK LIʼE:

• ¿Kʼusitik la snuptanik epal ermanoetik li ta sural Estados Unidose?

• ¿Kʼuxi laj yakʼik ta ilel ti oy smalael yuʼunik xchiʼuk ti skʼanoj sbaike?

• ¿Kʼusi ti mas tsots skʼoplal laj yaʼiik li ermanoetike? (Flp 1:10).