Jaʼ kaltik ta cholmantal li kʼusitik yakal chkʼot ta pasel avie

Kʼalal la xchol mantal li Jesuse, jaʼ laj yalbe skʼoplal li kʼusi yakal chkʼot ta pasel ta skʼakʼalil sventa oyuk kʼusi lek xakʼ ta chanele (Lu 13:1-5). Li voʼotik eke xuʼ xkalbetik skʼoplal li kʼusitik chkʼot ta pasel avi kʼakʼal sventa jtijbetik yoʼontonik krixchanoetik yoʼ xchikintaik mantale. Mi laj xa ox kalbetik skʼoplal ti vokol tajek li kuxlejale, ti oy paskʼope, ti oy ep buchʼutik tstunesik droga, ti ch˗echʼ nikel, nojelal ta voʼ o yan kʼusitike, oyuk kʼusi jakʼbetik li yajval na sventa snopbe skʼoplale. Jech kʼuchaʼal liʼe: «¿Mi ta van xkʼot junuk kʼakʼal ti chlaj skʼoplal li…?» o «¿Kʼusi van skʼan pasel sventa xchapaj li…?». Laje, kakʼbetik yil jun versikulo ta Vivlia ti jaʼ chalbe skʼoplale. Mi oy ta yoʼonton mantal li yajval nae, kakʼbetik yil junuk video o jlikuk vun li ta abtejebaletik sventa xijchanubtasvane. Kakʼtik persa sventa jtijbetik yoʼonton li krixchanoetik ta jterritoriotike xchiʼuk jpastik «skotol ta skoj li lekil aʼyejetike» (1Ko 9:22, 23).

¿Kʼusi mas oy ta yoʼontonik xchikintael li krixchanoetik ta jterritoriotike?