Li nupunele jaʼ sventa sjunul jkuxlejaltik

Tskʼupil kʼoptaik Jeova li nupultsʼakaletik ti xmuyubajik noʼoxe (Mr 10:9). Li buchʼu tskʼan lek chbat li snupunele xchiʼuk ti xmuyubajuk noʼoxe skʼan stsak ta venta li beiltaseletik ta Vivlia kʼalal tstʼuj li buchʼu chnupun xchiʼuke.

Li jun kerem o tsebe mu me lekuk ti xlik saʼ slekom kʼalal skʼan toʼox x-echʼ «li xnichimal skerem stsebale», jaʼ xkaltik, jaʼo kʼalal tskʼan tajek chchiʼinvan ta vayele, yuʼun mi muʼyuk to echʼeme, xuʼ muʼyuk lek kʼusi chkʼot ta nopel yuʼun (1Ko 7:36). Yoʼ to muʼyuk nupunemote, akʼo persa sventa masuk to lek xavil aba xchiʼuk li Diose xchiʼuk chʼieso talelaletik ti lek chil Jeovae. Mi jech la apase, tskoltaot sventa xakʼot ta jun lekil malalil o ajnilal.

Kʼalal skʼan toʼox xanupune, ojtikino lek li kʼusi oy ta yoʼonton li buchʼu chkʼot ta anup achiʼile (1Pe 3:4). Mi oy kʼusi mu junuk avoʼonton yuʼune, loʼiltaik xchiʼuk li buchʼu chkʼot ta anup achiʼile. Li ta nupunele skʼan jaʼ mas xavakʼ ta avoʼonton li kʼusi lek chaʼi li anup achiʼile, maʼuk li kʼusi lek chavaʼi atuke (Flp 2:3, 4). Mi chavakʼ ta akuxlejal li beiltaseletik ta Vivlia kʼalal tojol kerem tsebot toe, mas me kʼun chavaʼi ta xchʼunel kʼalal mi lanupune, vaʼun xamuyubaj noʼox me li ta anupunele.

MI LA AKʼELIK LI VIDEO CHAPANEL SVENTA LI NUPUNELE (YOXIBAL PARTE): “TSKʼEL KʼU YEPAL CHLAJ YUʼUN”, TAKʼIK LI SJAKʼOBILTAK LIʼE:

• Li ermana xchiʼuk li Shane, ¿kʼu yelan xil sbaik kʼalal lik slekomin sbaike?

• ¿Kʼusi laj yakʼ venta li ermana kʼalal mas to laj yojtikin batel li Shane?

• ¿Kʼuxi koltaat yuʼun li stot smeʼe, xchiʼuk kʼusi lek kʼot ta nopel yuʼun?