Jun lekil skʼelobil sventa chanubtasel

[Akʼo ta ilel li video Yaʼyejal slivroal 2 Reyes].

Li Eliseoe laj yil kʼalal la spas skʼelobil juʼelal li Eliase (2Re 2:8; w15 15/4 paj. 13 par. 15; kʼelo li lokʼol ta pajina 1).

Bikʼit laj yakʼ sba li Eliseoe xchiʼuk jech la spas kʼuchaʼal la xchane (2Re 2:13, 14; w15 15/4 paj. 13 par. 16).

Jun mol ta tsobobbail te skʼeloj kʼu yelan ta xchapan sdiskurso jun ermano. Li mol ta tsobobbaile te stsakoj li sfoyeto «Xchanel vun xchiʼuk chanubtasvanej».

Li Jeovae yakʼojbe sbain moletik ta tsobobbail ti akʼo xchanubtasik li yantike (2Ti 2:2). Mi tskʼan tskoltaoxuk li moletik sventa oyuk kʼusi mas xapas li ta tsobobbaile, skʼan lekuk atalelal, ti bikʼituk xavakʼ abae xchiʼuk ti xavakʼ ta ilel ti stakʼ spat yoʼontonik ta atojolale.