«Oyuk me kʼusi xavakʼilanbeik li yantike»

Li Jesuse laj yal ti kʼalal chkakʼtik ta ilel slekil koʼontontike, chchanik li yantik eke (Lu 6:38). Chtijbat yoʼontonik yakʼel kʼusitik oy yuʼunik li ermanoetik kʼalal chakʼik venta ti jech ta jpastike.

Jtos ti kʼu yelan chkichʼtik ta mukʼ li Jeovae, jaʼo kʼalal chlokʼ ta koʼontontik yakʼel li kʼusi x-ayan kuʼuntike. Li Jeovae chakʼ venta kʼalal oy buchʼu ta slekil yoʼonton tskolta yermanotake, vaʼun chakʼbe smoton li buchʼu jech tspase (Pr 19:17).

MI LA AKʼELIK LI VIDEO EP SBALIL TI CHAVAKʼ MATANAL TAKʼINE, TAKʼIK LI SJAKʼOBILTAK LIʼE:

• ¿Kʼutik yelan chichʼ tunesel li matanal takʼin sventa xichʼ koltael li kermanotaktike?

• Akʼo mi muʼyuk kʼusi mas x-ayan kuʼuntik, ¿kʼu yuʼun skʼan jechuk-o jkoltatik li yantike? (Kʼelo li mantal ta jw.org ti xi sbie: «Li buchʼutik oy mas yuʼunike, jaʼ tskoltaik li buchʼutik jutuk yuʼunike»).