La stoj smul jun ants ti chopol tajeke

Li Ataliae la xchʼaybe stsʼunbal li buchʼutik skʼoplal chkʼotik ta ajvalil sventa jaʼuk x-och ta meʼ ajvalil ta Judae (2Re 11:1; lfb paj. 128 par. 1, 2; kʼelo li rekuadro ti li’ talem ti xi sbie: «‹Chchʼay stsʼunbal skotol li yutsʼ yalal Akabe› [2Re 9:8]»).

Li Jeosebae la snakʼ li Jeoas sventa mu xichʼ milel, yuʼun jaʼ xuʼ xkʼot ta ajvalil (2Re 11:2, 3).

Li mero bankilal pale Jeoiadae la stikʼ ta ajvalil li Jeoas xchiʼuk laj yal mantal ti xichʼ milel li Ataliae ti jaʼ xa noʼox van stuk kuxul li ta yutsʼ yalal Akabe (2Re 11:12-16; lfb paj. 128 par. 3, 4).

SVENTA XANOPBE SKʼOPLAL: Li loʼil liʼe, ¿kʼuxi chakʼ kiltik ti melel li kʼusi chal ta Proverbios 11:21 xchiʼuk Eklesiastes 8:12 xchiʼuk 13?