LI JKUXLEJALTIKE
Tsots ch-abtejik
Li jkʼelvanejetik ta sirkuito xchiʼuk li yajnilike oy kʼusitik tspasik ta jtojolaltik ta skoj ti skʼanojutike. Melel onoʼox ti oy kʼusitik tsnuptanik eke, yuʼun bakʼintike lubemik, chibajem noʼox chaʼi sbaik o chat yoʼontonik (Snt 5:17). Akʼo mi jech, jujun xemana tspatbeik yoʼonton li ermanoetik ta tsobobbailetike. ¡Staik-o ti ichʼbiluk lek ta mukʼ li jkʼelvanejetik ta sirkuitoe! (1Ti 5:17).
Kʼalal tskʼan ox chbat svulaʼan tsobobbail ta Roma li jtakbol Pabloe, li kʼusi ox tskʼan tspase jaʼ ti spatbe yoʼonton li ermanoetike xchiʼuk ti xpatbat yoʼonton eke (Ro 1:11, 12). ¿Mi oy anopoj kʼuxi xuʼ xapatbe yoʼonton li jkʼelvanej ta sirkuito o li yajnile?
MI LA AKʼELIK LI VIDEO XKUXLEJAL JUN JKʼELVANEJ TA SIRKUITO TI TSVULAʼAN PARAJEETIKE, TAKʼIK LI SJAKʼOBILTAK LIʼE:
¿Kʼusi tspasik li jkʼelvanejetik ta sirkuito xchiʼuk yajnilik ta skoj ti skʼanojik li tsobobbailetike?
¿Kʼuxi skoltaojot junuk jkʼelvanej ta sirkuito o li yajnile?
¿Kʼusi xuʼ jpastik sventa jpatbetik yoʼontonik ek?