Oyuk kʼusi xapas sventa xamuyubaj li ta avutsʼ avalalike

Li Jeovae tskʼan ti xmuyubajikuk noʼox li utsʼ alaliletike (Sl 127:3-5; Ek 9:9; 11:9). Pe bakʼintike mu xa jnaʼ kʼusi ta jpastik xchiʼuk oy kʼusitik chopol chbat ta pasel kuʼuntik. Jaʼ yuʼun, xuʼ muʼyuk xa xmuyubaj li kutsʼ kalaltike. ¿Kʼusi xuʼ spasik ta jujuntal sventa xmuyubajikuk noʼoxe?

Li malalil ti skʼanoj yajnile chichʼ ta mukʼ (1Pe 3:7). Jech xtok, chchʼay yoʼonton xchiʼuk, muʼyuk chalbe ti akʼo spas li kʼusi mu spas yuʼune xchiʼuk tstojbe ta vokol skotol li kʼusi tspas ta yutsʼ yalalike (Kol 3:15). Tskʼupil kʼopta xchiʼuk chalbe ti skʼanoj tajeke (Pr 31:28, 31).

Li ajnilal ti skʼanoj smalale chakʼ persa ta skoltael (Pr 31:12). Jech xtok, chichʼ ta mukʼ li smalale (Kol 3:18). Ta slekil yoʼonton tskʼopon xchiʼuk muʼyuk kʼusi chopol chalbe yantik ta stojolal li smalale (Pr 31:26).

Li totil meʼiletik ti skʼanoj yalab xnichʼnabike koʼol chchʼay yoʼontonik xchiʼukik (Dt 6:6, 7). Chalbeik ti skʼanojik tajeke (Mt 3:17). Jech xtok, snaʼojik bakʼin xchiʼuk kʼuxi tstukʼibtas yalab xnichʼnabik ta slekil yoʼontonik (Ef 6:4).

Li alab nichʼnabiletik ti skʼanoj stot smeʼike chchʼunbeik smantal xchiʼuk chichʼik ta mukʼ (Pr 23:22). Chalbe stot smeʼik ti kʼu yelan chaʼi sbaike xchiʼuk li kʼusi tsnopike. Chchʼamik li tukʼibtasel ch-akʼbatike xchiʼuk chichʼ ta mukʼ li stot smeʼike (Pr 19:20).

MI LA AKʼELIK LI VIDEO MUYUBAJKUTIK XCHIʼUK LI KUTSʼ KALALTIKE, TAKʼIK LI SJAKʼOBIL LIʼE:

• ¿Kʼusi la spasik ta jujuntal sventa masuk xmuyubaj li yutsʼ yalalike?