Lekuk li kʼusitik ta jnoptike

Maʼuk noʼox chkakʼtik ta ilel ti tukʼ koʼontontik kʼalal oy kʼusi ta jpastik xchiʼuk chkaltike, yuʼun skʼan jech jpastik xtok kʼalal oy kʼusi ta jnoptike (Sl 19:14). Jaʼ yuʼun, xi chalbutik li Vivliae: «Kermanotak, oyuk-o me ta avoʼontonik skotol li kʼusitik melele, skotol li kʼusitik tsots skʼoplale, skotol li kʼusitik tukʼe, skotol li kʼusitik sakik skʼoplale, skotol li kʼusitik tstij oʼontonal sventa xijkʼanvane, skotol li kʼusitik lek skʼoplale, skotol li lekil talelale xchiʼuk skotol li kʼusitik sta-o kʼupil kʼoptaele» (Flp 4:8). Bakʼintike, vokol chkaʼitik spajtsanel li kʼusitik chopol chtal ta jnopbentike. Mi jnaʼ jpajtsan jbatike, ta jlokʼes ta jnopbentik li kʼusitik chopole xchiʼuk jaʼ ta jnoptik li kʼusitik lek chil Jeovae. Mi jech ta jpastike, mas me kʼun chkaʼitik ti lekuk jtalelaltike (Mr 7:​21-23).

Tsʼibao li kʼusitik skʼan jlokʼes ta jnopbentik jech kʼuchaʼal chal li tekstoetike:

Ro 12:3

Lu 12:15

Mt 5:28

Flp 3:13