Li Diose jamal chal ti muʼyuk xa chij-ipaj ta jnopbentike
Li Skʼop Diose tsbeiltasutik xchiʼuk tstojobtasutik sventa xkuch batel kuʼuntik mi iputik ta jnopbentike.
¡Pe maʼuk noʼox! Li Diose jamal chal ti tslajesbe skʼoplal skotol li kʼusitik chakʼ jvokoltike.
Mi kʼot ta pasel yuʼun Dios li kʼusi yaloje, chlaj skʼoplal li kʼusi toʼox chakʼ jvokoltike, yuʼun muʼyuk xa chvul ta joltik li kʼusitik kʼo temik ta pasel ta voʼnee xchiʼuk muʼyuk te chkom-o ta koʼontontik (Isaias 65:17).
Li stestigotak Jeovae ta sjunul yoʼonton tskoltaoxuk sventa xanaʼ kʼuxi tspas Dios li kʼusi yaloje xchiʼuk bakʼin tspas.