Junchib slikeb jloʼiltik

Kʼu yelan xuʼ jlikestik chanubtasel ta Vivlia li ta baʼyel sabado yuʼun disiembree

«Oy ep totil meʼiletike oy ta yoʼontonik ti akʼo xchanik xchiʼuk ti xojtikinik Dios li yalab xnichʼnabike. ¿Kʼu xachi li voʼote? ¿Mi jaʼ van lek ti xkoltaat yuʼun stot smeʼik o ti xchan ta stukik noʼoxe?» Akʼo stakʼ. Akʼbo yil li slajeb pajina ta revista Li jkʼel osil ta toyole, ti jaʼ sventa 1 yuʼun disiembre xchiʼuk koʼol xakʼelik li chib parafo ti te talem ta yolon li baʼyel sjakʼobile xchiʼuk junuk li teksto yichʼoj tale. Akʼbo li revistae xchiʼuk albo ti chakʼan chachaʼvulaʼan sventa chaloʼiltaik li xchibal sjakʼobile.

Li Jkʼel osil ta toyole 1 yuʼun disiembre

«Tal jvulaʼanotkutik uni jlikel yuʼun chiloʼilajkutik ta sventa Dios. Oy jeltos li kʼusitik chichʼ nopel ta sventa Diose. ¿Kʼusi chanop li voʼote? ¿Mi jech van xanaʼ kʼuchaʼal chal epal krixchanoetik ti jaʼ noʼox la jun juʼelale, o mi jaʼ van jun melel amigoil ti xuʼ tstsakutik ta ventae? [Akʼo stakʼ.] Li Vivliae chakʼ ta ilel kʼu yelan skʼan xkamigoin jbatik xchiʼuk. [Kʼelo Santiago 4:8 sbavokʼal.] Li revista liʼe chakʼ ta ilel oxtos kʼusitik xuʼ jpastik sventa xijnopaj ta stojolal Dios.»

¡Despertad! Disiembre

«Yakal chkalbekutik skʼoplal jun chamel ti chil-o svokol yuʼun li krixchanoetik avie. Li Organización Mundial de la Salud sbie chal ti ta chanibtik krixchanoe oy la jun ti ta la x-ipaj ta at-oʼontone. ¿Mi mu jechuk chanop ek ti yantik xa x-epaj li chameletik taje? [Akʼo stakʼ.] Li Vivliae chal ti ta jelavele muʼyuk xa chameletik, mi jaʼuk kʼux-ip. [Kʼelo Apocalipsis 21:3, 4.] Li revista liʼe chalbe skʼoplal kʼusitik skʼan jnaʼtik ta sventa li chameletik ta jolale.»