Junchib slikeb jloʼiltik

Kʼu yelan xuʼ jlikestik chanubtasel ta Vivlia li ta baʼyel sabado yuʼun disiembree

«Epal krixchanoetike tsmalaik xa tajek ti xchaʼsut tal li Jesuse. Ti jech xtal avie, ¿kʼusi chakʼan yaʼeluk ti spase?» Akʼo stakʼ. Akʼbo yil li mantal ta pajina 16 li ta revista Li Jkʼel osil ta toyole, ti jaʼ sventa 1 yuʼun disiembree xchiʼuk koʼol xachanbeik stakʼobil li baʼyel sjakʼobile xchiʼuk junuk li teksto yichʼoj talele. Akʼbo li revistaetike, vaʼun albo ti chasut yan velta sventa xachanik li yan sjakʼobile.

Li Jkʼel osil ta toyole 1 yuʼun disiembre

«Oy junantike mu noʼox xokob chaʼiik, yuʼun muʼyuk yorail chaʼiik ti tsnopbeik skʼoplal li Diose. ¿Mi melel xanaʼ ti chtun kuʼuntik ta jkuxlejaltik li Diose? [Akʼo stakʼ.] Li Jesuse laj yal ti chtun kuʼuntik ta jkuxlejaltik li Diose [kʼelo Mateo 4:4]. Li revista liʼe te chalbutik oxib srasonal ti kʼu yuʼun chtun kuʼuntik ta jkuxlejaltik li Diose.»

¡Despertad! Disiembre

«Li kʼusitik chchʼunik li krixchanoetike jaʼ ta skoj li kʼusitik chalilanik ta television, ta radio xchiʼuk ta yan kʼusitike. ¿Mi lek tukʼ xchiʼuk xuʼ jpat-o koʼontontik yuʼun xanaʼ li aʼyejetik taje? [Akʼo stakʼ.] Li Vivliae chpʼijubtasvan ti mu stakʼ jchʼuntik ta anil skotol li kʼusitik chkaʼitike [kʼelo Proverbios 14:15]. Li revista liʼe te chalbutik kʼuxi xuʼ jnaʼtik mi melel li kʼusitik chkaʼitike.»