Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun disiembree

«Jlom krixchanoetike tsnopik ti jaʼ la jun lekil vinik i-echʼ li Jesuse, yantik xtoke xchʼunojik ti jaʼ jun bankilal j-alkʼope, ti jaʼ mu sta li Moisese, jlom xtoke chalik ti jaʼ la Diose. Pe, ¿kʼusi chanop li voʼote? [Akʼo stakʼ.] Tsots skʼoplal ti xanaʼ li kʼusi melel ta sventa Jesuse yuʼun xuʼ chayikʼot batel ta kuxlejal sbatel osil ta jun nichimal Balumil.» Kʼelbo Juan 17:3. Vaʼun chanik li livro Chchanubtasvan ta kapitulo 4, parafo 3 xchiʼuk albo ti chaʼsut yan velta sventa chachanik mas ta sventa taje.

Li Jkʼel osil ta toyole Oktuvre-disiembre

«Li avie oy epal relijionetik ti chalik ti chchanubtasvanik la ta sventa Diose, manchuk mi mu snaʼik buchʼu ta melel li Diose xchiʼuk mi jaʼuk snaʼik li kʼusi tskʼanbutike. Li voʼote, ¿mi xanaʼ kʼuxi ta ojtikinel li melel relijione?» Akʼo stakʼ. Akʼbo yil Li Jkʼel osil ta toyole, chanik li baʼyel sjakʼobil ta pajina 14, xchiʼuk kʼelbo Juan 4:23, 24. Akʼbo li revistaetike, vaʼun albo ti chasut yan velta sventa chachanik li yan sjakʼobile.

¡Despertad! Disiembre

Kʼelo 2 Timoteo 3:16. Vaʼun xi xavalbee: «Jlom krixchanoetike xchʼunojik ti jaʼ laj yakʼ ta naʼel Dios li Vivliae, pe jlome chalik ti mu jechuke. ¿Kʼusi chanop li voʼote? [Akʼo stakʼ.] Akʼo mi ep ta tos li kʼusi tsnopik ta sventa taje, pe lek nabil ti muʼyuk yan livro ti solel ep kʼusitik kuchem talel yuʼune. Li revista liʼe, jaʼ chalbe skʼoplal jlom ti oy tskʼan chchʼaybeik skʼoplal xchiʼuk ti tskʼanik ti mu xa xichʼ chanele. Jech noxtok, chalbe skʼoplal ti kʼuxi kuchem tal yuʼune».