Oyuk kʼusi achʼ xachan

Kʼalal chachanunaje, xuʼ xi xajakʼbe abae: «¿Kʼusi ta jchan tana?». Akʼo mi anaʼoj xa van li kʼusi chachan batele, taje maʼuk skʼan xal ti muʼyuk xa kʼusi yan achʼ chakʼ achan li Jeovae. Jaʼ yuʼun chaʼa, ¿kʼusi xuʼ xapas sventa oyuk kʼusi achʼ xachan?

Kʼanbo apʼijil li Jeovae. Mu xanop ti lek xa noʼox ti kʼu yepal achanoje (Prov. 3:​5, 6). Albo Jeova ti akʼo skoltaot sventa xavakʼ venta li kʼusi oy ta yoʼonton chakʼ achan jujukoje (Sant. 1:5).

Akʼo ta akuxlejal li kʼusi chal Skʼop Diose. «Kuxul li skʼop Diose» (Ebr. 4:12). Kʼalal chakʼel jujukoj li Avivliae, xuʼ me oy kʼusi achʼ xachan xchiʼuk oy jeltos ti kʼuxi xuʼ skoltaot ta akuxlejale, pe jaʼ noʼox me mi oy ta avoʼonton ti oyuk kʼusi achʼ xachane.

Tojbo ta vokol Jeova li lekil veʼlil chakʼe. Li kʼusitik chakʼ jchantike xkoʼolaj ta «epal lekil veʼlil» (Is. 25:6). Mu xanop ti oy junantik mantaletik ti muʼyuk chakʼupine. Yuʼun maʼuk noʼox chatabe sbalil, chakʼupin tajek xchanel xtok.