Jtunestik lek li nene

Li jchankʼop Santiagoe la skoʼoltas ta jun nen li Vivliae, ti chakʼ kiltik kʼu kelantik ta melele (Sant. 1:​22-25). ¿Pe kʼuxi xuʼ jtunestik lek li nene?

Mu ta aniluk jkʼeltik li Skʼop Diose. Mi ta anil ta jkʼel jbatik li ta nene, xuʼ van mu xkakʼtik venta kʼu yelan li jpat jxokontike xchiʼuk mu xkiltik ti bu skʼan jtukʼulan jbatike. Jaʼ jech ek, mi anil ta jkʼeltik li Vivliae, muʼyuk me chkakʼtik venta bu skʼan xijlekub. Jaʼ yuʼun, skʼan ti kʼunuk noʼox jkʼeltike.

Jaʼuk jkʼeltik ti kʼu kelantike, mu jaʼuk jkʼeltik ti kʼu yelan li yantike. Kʼalal ta jkʼel jbatik ta nene, xuʼ te xkiltik li yantike xchiʼuk xuʼ van jaʼ xbat ta koʼontontik skʼelel li kʼusi chopol xvinaj ta spat xokonike. Jaʼ jech ek, kʼalal ta jkʼeltik li Vivliae, xuʼ van jaʼ ta jnopbetik skʼoplal ti butik skʼan sjel stalelal li yantike. Pe mi jech ta jpastike, yikʼaluk van mu xkakʼtik venta ti bu skʼan xlekub jtalelaltike.

Oyuk noʼox smelol li kʼusi chanop ta atojole. Mi jaʼ noʼox chbat ta jsatik li kʼusi mu jkʼupin ta jpat jxokontik kʼalal ta jkʼel jbatik ta nene, xuʼ van chopol-o chkaʼi jbatik yuʼun. Sventa mu jechuk xkʼot ta pasel kʼalal ta jkʼeltik li Vivliae, oyuk noʼox smelol li kʼusi ta jnop ta jtojolaltike xchiʼuk teuk ta joltik ti muʼyuk tskʼanbutik Jeova ti jpastik li kʼusi mu spas kuʼuntike (Sant. 3:17).