Kʼelo kʼusi chakʼ achan li lokʼoletike

Li ta jvuntike ep tajek lokʼoletik yichʼoj talel ti tskoltautik sventa xkom ta joltik li kʼusitik mas tsotsik skʼoplale. ¿Kʼusi xuʼ xapas sventa xatabe sbalil li lokʼoletike?

• Kʼalal mu to chlik achan jlikuk vune, baʼyuk kʼelbo li slokʼoltak yichʼoj tale. Taje xuʼ me jaʼ stij avoʼonton sventa xachan. Kʼalal chavil jtosuk veʼlil ti mu tajek xvinaje, oy xa tajek ta avoʼonton chakʼan chalajes. Jaʼ jech ek, kʼalal mu to chachanunaje, xiʼuk xajakʼbe abae: «¿Kʼusitik ti yakal chkile?» (Amos 7:​7, 8).

• Kʼalal chachan junuk xchanobile, nopbo skʼoplal kʼu yuʼun ti te talem li lokʼole. Mi te chal li kʼusi te xvinaj ta lokʼole, kʼelo ti kʼusi chale. Akʼo persa ta yaʼibel smelolal kʼuxi te snitojbe sba skʼoplal li lokʼol xchiʼuk li xchanobile xchiʼuk ti kʼusi chakʼ achane.

• Kʼalal mi laj xa ox achane, chaʼkʼelo li lokʼoletik sventa xvul ta ajol li kʼusitik mas tsotsik skʼoplale. Vaʼun, mutsʼo asat xchiʼuk akʼo persa sventa xavules ta ajol li lokʼoletike xchiʼuk li kʼusi laj yakʼ achane.

• ¿Kʼuchaʼal mu xakʼel li lokʼoletik yichʼoj talel li revista liʼe xchiʼuk ti xakʼel mi xkom ta ajole?