Tuneso lek li referencias marginalese

Kʼalal chachan li Xchʼul Kʼop Dios sventa Achʼ Balumile, te chavil chʼin letraetik (referencias marginales) li ta jpʼelantik kʼope. ¿Kʼusi sventa? Jaʼ sventa xakʼ ta ilel ti oy yan tekstoetik ti tsjambe to mas smelolale. Li referenciaetike chakʼ ta ilel ti snitojbe sba skʼoplal li kʼusi chal ta sliklej Vivliae. Mi ta vun chatunes li Vivliae, li chʼin letraetik ti te talem ta jpʼelantik kʼope, oy jech koʼol letra te talem li ta kolumna ta oʼlol sventa xata li yan tekstoetike. Mi jaʼ chatunes li Vivlia ti te oy ta jpajinatik ta jw.org o li ta aplikasion JW Library^®, jaʼ noʼox chanetʼ li chʼin letraetik sventa xjam li yan tekstoetike.

¿Kʼuxi xuʼ skoltautik li referenciaetike? Liʼ junchib skʼelobile:

Loʼiletik ti xkoʼolaje. Li referenciaetik ta Vivlia ti te taleme tstakot batel ta yan tekstoetik ti koʼol kʼusi chalbe skʼoplale. Jech kʼuchaʼal liʼe, li ta 2 Samuel 24:1 oy jun referencia ti tstakot batel ta 1 Kronikas 21:​1, li referencia yichʼoj tal li teksto liʼe tstakot sutel xtok li ta baʼyel tekstoe.

Tekstoetik. Li referenciae chakʼ ta ilel bu lokʼem tal li tekstoe. Jech kʼuchaʼal liʼe, li Mateo 4:4 tstakot batel ta Deuteronomio 8:3.

Albil kʼop xchiʼuk kʼuxi kʼot ta pasel. Li referenciae chakʼ ta ilel jun albil kʼop xchiʼuk ti kʼuxi kʼot ta pasele. Jech kʼuchaʼal liʼe, kʼelo Sakarias 9:9 xchiʼuk Mateo 21:5.