Li yajts’aklomtak Kristo xchi’uk li pask’ope | ¿K’usi chal li Vivliae?

Li pask’op ta Ucraniae jamal yak’oj ta ilel ti lek no’ox chilik pask’op li jnitvanejetik ta relijione. Ak’o avil venta k’usi tsnopik ta sventa li pask’opetike:

•  «Ta jk’an ta jtojbekutik ta vokol li soltaroetik ti tspakbeik sk’oplal li slumalik Ucrania ta skoj li jsa’k’opetike. Ta jkoltakutik xchi’uk ta jpaskutik orasion ta stojolalik» (metropolitano Epifanio I ta Kiev, The Jerusalem Post, 16 yu’un marso ta 2022).

•  «Li domingo ech’e, li jnitvanej ta relijion ta ortodoxo ta Rusiae, la stsob sbaik sventa spatbeik yo’onton li soltaroetik ta Rusiae. Taje ja’ sventa spakbeik sk’oplal slumalik li jrusoetik ‹ti stuk no’ox jech sna’ik spasele›. K’alal jech k’ot ta pasel taje, li soltaroetik ta Moscue te xcholetik ta Ucrania» (Reuters, 3 yu’un avril ta 2022).

¿Mi sk’an van xbatik ta pask’op li yajts’aklomtak Kristoe? ¿K’usi chal li Vivliae?

Li k’usi chal Vivliae

Li Vivliae chal ti mu’yuk chbatik ta pask’op li buch’utik tsts’akliik ta melel li Jesuse.

•  «Tikʼo ochel ta sna li a-espadae, yuʼun skotol li buchʼu chakʼ espadae, ta espada chlaj ek» (Mateo 26:52).

  Mi oy buch’u lek chil li pask’ope o ti tsa’ k’ope, ¿mi yakal van chch’unbe smantal li Jesuse?

•  «Chkakʼboxuk jun achʼ mantal: kʼano me abaik ta jujuntal; jech kʼuchaʼal jkʼanojoxuke jechuk xakʼan abaik ta jujuntal ek li voʼoxuke. Mi chakʼan abaik ta jujuntale, jaʼ jech tsnaʼ skotolik ti voʼoxuk kajchankʼopoxuke» (Juan 13:34, 35).

  Mi oy buch’u lek chil li pask’ope, ¿mi yakal van chak’ ta ilel li k’anelal laj yal Jesus ti ja’ chich’ik-o ojtikinel li yajchank’optake?

Mi chak’an chana’ mase, k’elo li mantal «El cristianismo y la guerra, ¿son compatibles?».

Li yajts’aklomtak Kristo avie xchi’uk li pask’ope

¿Mi melel ono’ox van ti mu’yuk tstik’ sbaik ta pask’op li melel yajts’aklomtak Kristo avie? Melel ono’ox. Li Vivliae laj yalbe sk’oplal jk’ak’aliltik. «Li ta slajebaltik k’ak’ale» oy krixchanoetik ta jeltos lumetik ti mu’yuk xa chchanik pask’ope, ja’ jech k’ucha’al laj yak’ ta chanel Jesuse (Isaias 2:2, 4).

•  Sventa xana’ mase, k’elo li mantaletik ti xcholet chlok’ li ta revista Li Jkʼel-osil ta toyole: «¿Kʼu yelan chil Dios li paskʼopetike?».

Oy k’usi po’ot xa spas li Jeovae,a «li Dios ti chak’ jun o’ontonale». Ta stojolal li Ajvalilal yu’une ta spoj lok’el li buch’utik chich’ik ilbajinele xchi’uk li buch’utik tstsakatik ta k’ope (Filipenses 4:9; Salmo 72:14).

•  Sventa xana’ k’uxi tspas taje, k’elo li video: ¿K’usi tspas li Ajvalilal yu’un Diose?