Muʼyuk tukʼ ch˗ajvalilajik | ¿Kʼusi tspas li Ajvalilal yuʼun Diose?

Li krixchanoetike tskʼanik ti oyuk jun ajvalil ti xuʼ spat yoʼontonik ta stojolale, yuʼun tavan xa xaʼiik ti muʼyuk tukʼ ch˗abtejik li politikoetik o li ajvaliletike. Li ta 2023 laj yichʼ jakʼbel sloʼilik epal krixchanoetik ta jeltos lumetik, vaʼun te laj yalik ti mu xa spat lek yoʼontonik ta stojolal li politikoetike.a

Li Vivliae chalbe skʼoplal jun Ajvalilal ti xuʼ jpat koʼontontik ta stojolale xchiʼuk ti tukʼ kʼusi tspase. Taje jaʼ skʼoplal li Ajvalilal yuʼun Diose xchiʼuk jaʼ vaʼanbil ta Ajvalil li Jesukristoe (Isaias 9:7).

Li Jesuse yakʼoj xa onoʼox ta ilel ti ta melel oy ta yoʼonton li krixchanoetike (Mateo 9:35, 36). Ta skoj ti jaʼ ajvalil li ta Ajvalilal yuʼun Diose, tukʼ tspas tal mantal xchiʼuk chakʼbe jun oʼontonal li buchʼutik tsventainane (Salmo 72:12-14).