Epajem xa tajek li choplejale | ¿Kʼusi chal li Vivliae?

Tsots tajek chil svokolik ta Haití ta skoj li milbail xchiʼuk li majbaile. Taje jaʼ jech chil svokolik ek ta Sudáfrica, México xchiʼuk ta yan lumetik ta Latinoamérica. Akʼo mi oy junantik lumetik chalik ti jutukajem li milbail xchiʼuk li majbaile, pe li krixchanoetike xiʼemik tajek mi xpojbatik li kʼusi x-ayan yuʼunike.

¿Kʼusi chal Vivlia ta sventa ti epajem xa li milbail xchiʼuk majbaile?

Li Vivliae yaloj xa onoʼox ti ch˗epaj li choplejale

Li choplejal, li majbail xchiʼuk li milbaile jaʼ senyail ti «poʼot xa xlaj skotol li kʼusitik oy ta balumile» (Mateo 24:3). Xi onoʼox laj yal Jesukristo ta sventa taje:

•  «Ta skoj ti ch˗epaj li choplejale, mas xa ep li krixchanoetik ti muʼyuk chkʼanvanike» (Mateo 24:12).

Li Vivliae laj yal ti kʼusi chkʼot ta pasel «li ta slajebal xa kʼakʼale», xi laj yale: «Mu snaʼ spajes sbaik, simaronik, muʼyuk skʼanojik li kʼusi leke» (2 Timoteo 3:1-5). Ta skoj ti jech stalelal li krixchanoetike, muʼyuk xa tstsakik ta venta li smantaltak ajvalile.

Pe mu jechuk sbatel osil maʼ taje. yuʼun li Vivliae chal ti chlaj skʼoplal li choplejal, li majbail xchiʼuk li milbaile.

•  «Mu xa jaluk skʼan, vaʼun chchʼay skʼoplal li buchʼutik toj chopolike; chakʼel to ti bu toʼox oyike, pe chʼabal xa te oyik. Yan li manxoetike jaʼ chuʼuninik li balumile xchiʼuk tskʼupinik tajek li jun oʼontonal ti muʼyuk spajebe» (Salmo 37:10, 11).

¿Kʼusi chal Vivlia ti chkʼot ta pasel ti tspat koʼontontike? ¿Kʼu yuʼun jchʼunojtik lek ti yaloj xa onoʼox Vivlia li kʼusitik chkʼot ta pasel avie? Te chatabe stakʼobil li ta mantaletik liʼe:

¡Oy kʼusitik kʼupil sba chtal!

¿Kʼuxi jnaʼojtik ti ta slajebal xa kʼakʼal kuxulutike?

¿Mi yaloj xa onoʼox Vivlia kʼu yelan stalelal krixchanoetik li avie?