¿Mi muʼyuk chopol chavilik li buchʼutik yan-o srelijionike?

Li stestigounkutik Jeovae ta jtsakutik ta venta li tojobtasel ta Vivliae liʼe: «Ichʼic me ta mucʼ scotol li cristianoetique» (1 Pedro 2:17). Jaʼ yuʼun ta jtsakutik ta mukʼ skotol li krixchanoetike, mu ventauk kʼusi xchʼunojik li ta srelijionike. Akʼo mi ta sien milal noʼox oy stestigotak Jeova li ta jlom lumetike, muʼyuk chkalbekutik politikoetik o li buchʼutik chchanbeik skʼoplal sderecho jujun krixchano ti akʼo sujik sventa xiktaik spasel li kʼusi tspas ta srelijionik li yan relijionetike. Muʼyuk ta jpaskutik kampanya sventa ta jkʼankutik ti xalik mantaletik ajvaliletik yoʼ stsakik ta venta yantik li mantaletik kuʼunkutike xchiʼuk li mantaletik ta sventa jtalelalkutike. Ta jtojkutik ta vokol tajek ti chichʼunkutik ta mukʼe xchiʼuk chkakʼkutik persa jtsakutik ta venta li yantik eke (Mateo 7:12).