Dios: ¿Mi oy bu nakal li Diose?

Ti kʼu yelan tstakʼ li Vivliae

Oy. Li Diose oy bu nakal: te ta vinajel. Jkʼeltik avil li loʼiletik chal ta Vivliae:

Jun veltae, xi la skʼanbe vokol Dios li ajvalil Salomone: «Te to ta vinajel xachikinta, jaʼ ti bu nakalote» (1 Reyes 8:43).

Kʼalal la xchanubtas yajchankʼoptak Jesus ta spasel orasione, xi la slikese: «Jtotik ta vinajel» (Mateo 6:9).

Kʼalal chaʼkuxiem xa ox li Kristoe, «och batel ta vinajel sventa svaʼan sba ta stojolal Dios yoʼ skʼan vokol ta jtojolaltik» (Ebreos 9:24).

Li versikuloetik liʼe chakʼ ta ilel ti oy ta melel li Jeova Diose xchiʼuk ti te nakal ta vinajele, mu jechuk kʼuchaʼal chal junantik krixchanoetik ti ta buyuk noʼox oye.