¿Mi jaʼ ta smul Dios ti oy vokolile?

Li kʼusi chal Vivliae

Li Vivliae jpʼel chal ti maʼuke. Muʼyuk jech tskʼan ti chil svokolik li krixchanoetike. Li kʼusi kʼot ta pasele jaʼ ti la stoy sbaik ta stojolal Dios li baʼyel jtot jmeʼtike xchiʼuk lik snop stukik li kʼusi lek xchiʼuk li kʼusi chopole. La svalopatinik komel li Jpasvaneje, vaʼun lik yil svokolik.

Avie chkaʼibetik xkʼuxul li kʼusi muʼyuk lek la spasike. Li Diose maʼuk la slikes li il vokolile.

Jaʼ yuʼun xi chal li Vivliae: «Mu me buchʼu xi chal kʼalal chil prevae: ‹Chakʼun ta preva li Diose›. Yuʼun muʼyuk buchʼu xuʼ xakʼ ta preva ta kʼusitik chopol li Diose xchiʼuk muʼyuk buchʼu chakʼ ta preva li stuk eke» (Santiago 1:13). Mi junuk krixchano kolem li ta il vokolile, mi jaʼuk li buchʼutik lek ch-ilatik yuʼun Diose.