¿Kʼu yuʼun maʼuk chʼulna chalbeik ti bu tstsob sbaike?

Li jpʼel kʼop ta griego laj yichʼ tunesel ta Vivlia ti «chʼulna» xie, jaʼ skʼan xal tsobobbail, jtsop tukʼil krixchanoetik, maʼuk ti bu tstsob sbaike.

Jech kʼuchaʼal liʼe, kʼalaluk la stsʼibabe batel jchʼunolajeletik ta Roma li jtakbol Pabloe, la stakbe batel chabanuk jun nupultsʼakal, Áquila xchiʼuk Priscila, vaʼun xi to laj yal batele: «Chabanuk xavalbeik xtok li chʼulna ti te tstsob sbaik ta snae» (Romanos 16:5, Reina-Valera, 1960). Li Pabloe jaʼ laj yalbe batel chabanuk li jtsop krixchanoetike, jaʼ li tsobobbail ti te tstsob sbaik li ta sna Áquila xchiʼuk Priscilae.a

Jaʼ yuʼun, maʼuk chʼulna chkalbekutik ti bu ta jtsob jbakutike, jaʼ lek chkaʼikutik ti Salon sventa Tsobobbail sbie.

¿Kʼu yuʼun ti Salon sventa Tsobobbail yuʼun Stestigotak Jeova sbie?

Oy ep srasonaltak ti lek sta-oe. Liʼ oy junantik srasonale:

• Li jpʼej na taje jaʼ jun salon, ti bu tstsob sbaike.

• Ta jtsob jbakutik sventa xkichʼkutik ta mukʼ Jeova ti jaʼ li Dios chalbe skʼoplal ta Vivliae xchiʼuk sventa chkalbekutik batel skʼoplal li Dios taje (Salmo 83:18, Traducción del Nuevo Mundo; Isaías 43:12).

• Ta jtsob jbakutik xtok sventa jchankutik mas ta sventa li Ajvalilal yuʼun Diose ti jaʼ mas laj yalbe skʼoplal li Jesuse (Mateo 6:9, 10; 24:14; Lucas 4:43).

Chavichʼ albel ti xavulaʼan junuk Salon sventa Tsobobbaile ti te noʼox nopol ti bu nakalote. Sventa xavakʼ venta kʼu yelan stsobajelik li stestigotak Jeovae.