¿Mi chcholik mantal li antsetike?

Tana. Skotol li buchʼutik jaʼik stestigotak Jeovae ta xcholik mantal o jaʼik jcholmantaletik, taje te tsakal skʼoplalik ta smiyonal noʼox antsetik. Jech onoʼox yaloj li Vivliae: «Li antsetik ti chalik batel li lekil aʼyeje jaʼ epal soltaroetik» (Salmos 68:11, Traducción del Nuevo Mundo).

Li antsetik ti jaʼik stestigotak Jeovae jaʼ jech tspasik jech kʼuchaʼal li antsetik ti chalbe skʼoplal Vivliae (Proverbios 31:10-​31). Akʼo mi maʼuk jbabeetik li ta tsobobbaile, li stukike yakʼojbeik yipal xcholel mantal. Chchanubtas yalabik xtok ta sventa li beiltaseletik ta Vivliae (Proverbios 1:8). Jech xtok, chakʼik persa sventa lekuk li kʼusi chakʼik ta ilel ta stalelalik xchiʼuk ta skʼopojelik yoʼ jech xchanik li yantik eke (Tito 2:​3-5).