VIVLIOTEKA TA INTERNET yuʼun Watchtower
VIVLIOTEKA TA INTERNET
yuʼun Watchtower
Tsotsil
ʼ
  • ʼ
  • VIVLIA
  • VUNETIK
  • TSOBAJELETIK
Vunetik ta tsotsil (2001-2025)
Lokʼan
Ochan
VIVLIOTEKA TA INTERNET yuʼun Watchtower
VIVLIOTEKA TA INTERNET
yuʼun Watchtower
Lek ti la˗och tale.
Xuʼ xata vunetik ta yantik kʼop ti spasojik li stestigotak Jeovae.
Sventa xayalese, ochan ta jw.org.
  • Avie

Savado 25 yuʼun oktuvre

Li Safane te lik skʼelbe li ajvalile (2 Kron. 34:18).

Kʼalal 26 toʼox sjabilal li ajvalil Josiase, lik xchaʼmeltsan li temploe. Vaʼun, te la stabeik «li slivroal Smantal Jeova ti akʼbat li Moisese». Kʼalal laj yaʼi kʼusi chal Smantal Jeova li ajvalile, ta anil lik spas (2 Kron. 34:​14, 19-21). ¿Mi oy ta avoʼonton chakʼelilan jujun kʼakʼal li Vivliae? Mi jech xa yakal chapase, ¿mi chakʼupin? ¿Mi ta van skoltaot xanaʼ mi chatsak ta vun li tekstoetik ti chtun avuʼune? Kʼalal 39 xa ox sjabilal li Josiase, oy kʼusi muʼyuk lek la spas ti laj yichʼ-o milele. Muʼyuk la skʼanbe Jeova ti xbeiltasate, yuʼun la spat yoʼonton ta stojolal stuk (2 Kron. 35:​20-25). ¿Kʼusi chakʼ jchantik? Jaʼ ti mu ventauk li jabilaltike o ti kʼu xa sjalil kocheltik ta mantale, skʼan jech-o xijnopaj ta stojolal Jeova. Sventa spas kuʼuntike, skʼan jkʼanbetik ti sbeiltasutike, ti jchanbetik li Skʼope xchiʼuk ti jchikintatik li tojobtaseletik chakʼik li ermanoetik ti yijik ta mantale. Mi jech ta jpastike, xuʼ me mu masuk kʼusi chopol xbat ta pasel kuʼuntik xchiʼuk xuʼ xijmuyubaj noʼox (Sant. 1:25). w23.09 12 par. 15, 16

Jkʼeltik skotol kʼakʼal li Skʼop Diose 2025

Domingo 26 yuʼun oktuvre

Kontra chil Dios li buchʼutik xtoyet chaʼi sbaike, pe chakʼbe ta ilel slekil yutsil oʼontonal li buchʼutik bikʼit chakʼ sbaike (Sant. 4:6).

Li Vivliae chalbe skʼoplal antsetik ti skʼanojik Jeova xchiʼuk ti tukʼ tunik ta stojolale. Ti oy noʼox spʼisol li kʼusi la spasike xchiʼuk tukʼik skotol li kʼusi la spasike (1 Tim. 3:11). Jech xtok, li ta atsobobbaile xuʼ te xata ermanaetik ti yijik ta mantal ti xuʼ ep kʼusitik xachan ta stojolalike. Mi tsebot toe, nopbo skʼoplal jayvoʼuk ermanaetik ti lek ta chanbel stalelalike xchiʼuk akʼo persa xchanbel stalelalik. Sventa spas avuʼune, kʼelbo li slekil talelaltake. Vaʼun, kʼelo kʼu yelan xuʼ xavakʼ ta ilel ek. Skʼan bikʼit xavakʼ aba. Kʼalal bikʼit chakʼ sba jun ermanae, lek xil sba xchiʼuk Jeova xchiʼuk li yantike. Ta skoj ti bikʼit yakʼoj sba xchiʼuk ti skʼanoj li Stot ta vinajele, tstsak ta venta li buchʼutik vaʼanbil ta sbeiltasel li tsobobbaile xchiʼuk li utsʼ alalile (1 Kor. 11:3). w23.12 18, 19 par. 3-5

Jkʼeltik skotol kʼakʼal li Skʼop Diose 2025

Lunes 27 yuʼun oktuvre

Akʼo skʼan yajnilik li malaliletik jech kʼuchaʼal skʼanoj sbekʼtal stukike (Efes. 5:28).

Li Jeovae oy ta yoʼonton ti skʼan yajnilik li malaliletike, ti xakʼbe li kʼusi chtun yuʼunike xchiʼuk ti xchabiik ta mantale. Sventa xakʼotik ta lekil malalil xchiʼuk ti xatojobikuk sbeiltasel li avutsʼ avalalike, sk’an me xana’ikuk lek snopel, ti xavich’ ta muk’ li anup achi’ilike xchi’uk ti xk’ot ta pasel avu’unik li k’usi chavalike. Mi la anupune, xuʼ me xavil anichʼnab. ¿K’uxi xu’ xachanbe stalelal Jeova ti jaʼ jun lekil Totile? (Efes. 6:4). Li Jeovae jamal laj yalbe Jesus ti skʼanoje xchiʼuk ti xmuyubaj ta stojolale (Mar. 1:11). Mi laj avil anichʼnabtake, nopeso aba ta yalbel ti akʼanojane xchiʼuk kʼupil kʼoptao kʼalal oy kʼusi lek chbat ta pasel yuʼunike. Li totiletik ti chchanbeik stalelal Jeovae tskolta xnichʼnabik sventa tsotsikuk ta mantal. ¿Kʼusi xuʼ xapas sventa xachapan xa noʼox abae? Jaʼ ti xakʼuxubin avutsʼ avalale xchiʼuk li ermanoetik ta tsobobbaile. Jech xtok, nopeso aba xavalanbe ti akʼanojane xchiʼuk ti ep sbalil chavile (Juan 15:9). w23.12 28, 29 par. 17, 18

Jkʼeltik skotol kʼakʼal li Skʼop Diose 2025
Lek ti la˗och tale.
Xuʼ xata vunetik ta yantik kʼop ti spasojik li stestigotak Jeovae.
Sventa xayalese, ochan ta jw.org.
  • Tsotsil
  • Tako batel
  • Ti kʼu yelan chak'ane
  • Copyright © 2025 Watch Tower Bible and Tract Society of Pennsylvania
  • Ti kʼutik yelan xuʼ xichʼ tunesele
  • Política de privacidad
  • Configuración de privacidad
  • JW.ORG
  • Ochan
Tako batel