KʼEJOJ 97
Jaʼ chakʼ jkuxlejtik li Skʼop Diose
1. Li kʼusi chal ta Skʼop Jeova,
jaʼ ta xakʼ jkuxlejtik.
Mi ta jchantik jujun kʼakʼal,
ta jtatik bendision.
Skotol kʼusi te tsʼibabil,
tspatbutik koʼntontik.
(ESTRIVIYO)
Jaʼ ta xakʼ jkuxlejtik Skʼop Dios,
skʼan jkʼeltik sil kʼakʼal.
Mi ta jchʼuntik kʼusi te chal,
ta jtatik bendision.
2. Tukʼ tunik ta stojol Jeova,
ep vinik antsetik.
Te tsakal xkuxlejik ta Skʼop,
chakʼ stsatsal koʼntontik.
Mi ta jchantik kʼusi spasik,
chchʼi xchʼunel koʼntontik.
(ESTRIVIYO)
Jaʼ ta xakʼ jkuxlejtik Skʼop Dios,
skʼan jkʼeltik sil kʼakʼal.
Mi ta jchʼuntik kʼusi te chal,
ta jtatik bendision.
3. Skʼan ti jnopbetik lek skʼoplal
skʼop smantal mukʼul Dios.
Kʼusiuk vokolil ta xtal,
xuʼ ta stsal kuʼuntik.
Jtikʼ ta yut koʼntontik skotol
kʼusitik ta jchantik.
(ESTRIVIYO)
Jaʼ ta xakʼ jkuxlejtik Skʼop Dios,
skʼan jkʼeltik sil kʼakʼal.
Mi ta jchʼuntik kʼusi te chal,
ta jtatik bendision.