• Kʼuxi ta ventainel li nae
    Ti kʼuyelan ta tael muyubajel ta utsʼ-alalile

    • 16, 17. 1) ¿Kʼusi smantal Jeova la skolta li j-israeletik sventa mu staik-o chamele? 2) ¿Kʼuxi xuʼ xichʼ chʼunel ta jnatik li beiltasel ta jtatik ta Deuteronomio 23:12, 13?

      16 Jkʼeltik yan. Leʼ xa ta 3,500 jabile, li Diose laj yakʼbe Mantal li steklumal Israel sventa chchapanik li yichʼel ta mukʼ Jeovae xchiʼuk sventa xchapan li xkuxlejalik jujun kʼakʼale. Li Mantale chal kʼusitik skʼan tspasik sventa sakikuk noʼox yoʼ mu stsakatik ta jeltos chamel li jteklume. Jun mantale chal ti tskʼan tsmukik komel li yikʼobalik ta spat li skarpanaike, sventa mu xikʼubtas li bu nakalike (Deuteronomio 23:12, 13). Li voʼneal mantal taje toj jtunel to me li avie. Li avie yakal to x-ipajik xchiʼuk chchamik krixchanoetik ta skoj ti mu xchʼunike.a

  • Kʼuxi ta ventainel li nae
    Ti kʼuyelan ta tael muyubajel ta utsʼ-alalile

    • a Ta jlik vun ti chalbe skʼoplal tsaʼnele —jtos chamel ti buyuk xa noʼox oy ti tsmil ep ololetike—, li Organización Mundial de la Salud xi chale: «Mi chʼabal chʼayobbaile: nomuk akʼo xbat xchʼay li yikʼobalik ti bu oy snaike xchiʼuk mu me teuk nopol ti bu stajineb ololetike, xchiʼuk yichʼojuk lajuneb metro snamal ti bu oy voʼe, xchiʼuk ti smukik komel ta lum li yikʼobalike».