KʼUSITIK KʼUPIL SBA TA VIVLIA | PROVERBIOS 22-26
«Chanubtasic lec avalab anichʼnabic ti bu beal tsc’an tstam batele»
Li slivroal Proverbiose chalbe lekil tojobtaseletik li totil meʼiletike. Jech kʼuchaʼal kʼalal unin toʼox li skʼob teʼe, te chbat ti bu chichʼ akʼel batele, jaʼ jech kʼalal chchʼiik tal li alab nichʼnabiletik eke xuʼ xtunik tal ta stojolal Jeova mi jech chichʼik chanubtasel yuʼun li stot smeʼike.
Xchanubtasel li alab nichʼnabiletike ep skʼan chʼakbel yorail xchiʼuk skʼan xkakʼ kipaltik.
Li totil meʼiletike skʼan me lekuk ta chanbel stalelal ch-ilatik yuʼun li yalab xnichʼnabike, xakʼ yipalik ta xchanubtasel, ta stojobtasel, ta spatbel yoʼonton xchiʼuk ta stukʼibtasel.
Li tojobtasele jaʼ jun lekil chanubtasel ti tstukʼibtas ta slekil oʼontonal li jnopbentik xchiʼuk li koʼontontike.
Li ololetike skʼan jeltos tukʼibtasel xichʼik akʼbel.