KʼUSITIK KʼUPIL SBA TA VIVLIA | ISAÍAS 58-62
Kaltik batel li sjabilal ti chkʼuxubinvan li Jeovae
Kʼalal chal ti «jaʼ xa sjabilal li cʼuxubinel yuʼun Diose» maʼuk batsʼi jabil ta melel
Jaʼ skʼan xal ti oy kʼuk sjalil ch-akʼbat xchanik yuʼun Jeova li manxo krixchanoetik li kʼusi xuʼ sta-o skolebalike.
Li ta baʼyel siglo kʼalal lik xchol mantal li Jesuse, li ta sjabilal 29, jaʼo te lik talel li sjabilal ti chkʼuxubinvan li Jeovae, jaʼo te tsuts kʼalal la ‹spakbe sutel yajkontratak› li Jeovae, taje jaʼo kʼalal laj yichʼ jinesel li Jerusalen ta sjabilal 70.
Li ta jkʼakʼaltike jaʼo te lik talel li sjabilal ti chkʼuxubinvan Jeova kʼalal lik ajvalilajuk Jesus ta vinajel ta 1914, vaʼun jaʼ to te tstsuts mi tal li tsatsal vokolile.
Li Jeovae chakʼbe bendision li steklumal ta «mucʼtiquil tsatsal teʼ ti lec tuqʼuique»
Li teʼetik mas mukʼtik oy ta Balumil ti te chchʼi ta teʼtikaltike, jmoj xchiʼuk nopajtik chchʼiik.
Li smukʼta ibeltak ti lek snitanoj sbae, jaʼ sventa ta xik-o sbaik kʼalal mi tal tsatsal ikʼe.
Li mukʼta teʼetike jaʼ chchabi li mas bikʼitik li ta tsatsal ikʼe xchiʼuk jaʼ chakʼbe skʼaʼal balumil li yanaltak ti chpʼaj yalele.
Ta spʼejel Balumile, li yajtsʼaklomtak Kristoe jaʼ chabibilik-o xchiʼuk jaʼ koltabilik-o yuʼun li «mucʼtiquil tsatsal teʼ ti lec tuqʼuique», jaʼ xkaltik li buchʼutik tʼujbilik chbatik ta vinajel ti liʼ to oyik ta Balumile.