KʼUSITIK KʼUPIL SBA TA VIVLIA | JENESIS 29, 30
Nupun li Jakobe
Li Jakobe muʼyuk la sta ta nopel ti chil svokol mi nupune. Li Rakel xchiʼuk Leae la skontrain sbaik (Je 29:32; 30:1, 8). Akʼo mi laj yil svokol li Jakobe, laj yakʼ venta ti lek ilat yuʼun li Jeovae (Je 30:29, 30, 43). Ta mas tsʼakale, jaʼ kʼotik ta jteklum Israel li snitilulale (Rut 4:11).
Li avie eke chil onoʼox svokolik li buchʼutik chnupunike (1Ko 7:28). Akʼo mi jech, xuʼ jun yoʼontonik xchiʼuk xmuyubajik mi la spat yoʼontonik ta stojolal Jeovae xchiʼuk mi chchʼunik li tojobtaseletik chal ta Vivliae (Pr 3:5, 6; Ef 5:33).