Jkotoltik xuʼ jcholtik mantal xchiʼuk xijchanubtasvan

Li Moisese mu toʼox spas yuʼun laj yaʼi li kʼusi kʼanbat yuʼun Jeova ti akʼo spase (Eks 4:10, 13). ¿Mi oy jech avaʼioj aba ek? Mi yakal chachan Vivlia xchiʼuk li stestigotak Jeovae, ¿mi chaxiʼ ti mu xchol avuʼun mantal ta naetik kʼuchaʼal tspasike? Mi kerem tsebote, ¿mi chaxiʼ xcholel mantal ta eskuela? ¿Mi vokol chavaʼi xcholel mantal ta buyuk noʼox o ta telefono? Kʼanbo xchʼul espiritu Jeova sventa skoltaot ta spasel (1Pe 4:11). Xuʼ xapat avoʼonton ta stojolal Jeova ti tskoltaot sventa spas avuʼun li kʼusi chakʼ abain spasele (Eks 4:11, 12).

MI LA AKʼELIK LI VIDEO OYUK ME STSATSAL AVOʼONTONIK: JCHOLMANTALETIK, TAKʼIK LI SJAKʼOBILTAK LIʼE:

• ¿Kʼusi vokol laj yaʼi spasel li ermana Aoyamae?

• ¿Kʼusi la spas sventa oyuk stsatsal yoʼontone? (Jer 20:7-9).

• ¿Kʼusi sbalil la stabe ti laj yakʼ persa tun mas ta stojolal Jeovae?

• ¿Kʼuxi xuʼ skoltaot Jeova sventa stsal avuʼun li kʼusi vokol chavaʼi spasel li ta cholmantale?