¿Mi ep to bu skʼan jel jtalelal sventa xkichʼ voʼ?
LI JKUXLEJALTIKE
Nopo xa noʼox sventa xatun ta stojolal Jeova
¿Mi yajtunel Jeova li atot ameʼe o mi yakal chavichʼ estudio? ¿Mi oy anopoj chavichʼ voʼ? ¿Kʼu yuʼun ti skʼan jech xapase? Yuʼun mi chkakʼ jbatik ta stojolal Dios xchiʼuk mi chkichʼtik voʼe, jaʼ to jech xuʼ xkamigointik Jeova xchiʼuk jtatik li kolebale (Sl 91:1; 1Pe 3:21). ¿Kʼusi skʼan xapas yoʼ xavakʼ aba ta stojolal Dios xchiʼuk xavichʼ voʼe?
Sabo smelolal mi xanaʼet yuʼun mi jaʼ melel be li bu atamoje (Ro 12:2). Mi oy to bu skʼan xajel atalelal chavaʼie, paso ta skoj ti chakʼan chalekubtasbe yoʼonton li Jeovae (Pr 27:11; Ef 4:23, 24). Kʼanbo koltael Jeova xchiʼuk naʼo me lek ti tskoltaot ta xchʼul espiritue (1Pe 5:10, 11). Lek ti xkakʼ kipaltike, yuʼun mu kʼusi xkoʼolaj-o ti chijtun ta stojolal Jeovae (Sl 16:11).
MI LA AKʼELIK LI VIDEO LI KʼUSITIK LA SPASIK SVENTA XICHʼIK VOʼE, TAKʼIK LI SJAKʼOBILTAK LIʼE:
¿Kʼusitik stsalojik komel junantik sventa xichʼik voʼe?
¿Kʼusi xuʼ xapas sventa xatsatsubtas xchʼunel avoʼonton yoʼ xavakʼ aba ta stojolal li Jeovae?
¿Kʼusi tijbat-o yoʼontonik junantik yoʼ xichʼik voʼe?
¿Kʼuxi ch-akʼbatik bendision yuʼun Jeova li buchʼutik tsnop chtunik ta stojolale?
¿Kʼusi skʼan xal ti chkakʼ jbatik ta stojolal Dios xchiʼuk ti chkichʼtik voʼe?