REKUADRO 20A
Ti kʼu yelan laj yichʼ chʼakel li osile
Ti lek laj yichʼ akʼel ta ilel ti bu ch-echʼ li stsʼaktak osile, akʼbat snaʼik li buchʼutik chukbilik batel ti persa chchaʼta yav li slumalike. ¿Kʼusi chakʼ jchantik li kʼusi akʼbat yil Esekiele? Jkʼeltik batel chaʼtos sjelbenal.
Ta me xkichʼtik kuni osiltik xchiʼuk tsots skʼoplal li abtelal ta jpastike
Li buchʼutik tsut ta slumalike ta me sta jsep yuni osilik li ta Albil Balumil ti xchaʼtaoj yave. Li yajtunelutik Jeovae persa me chkichʼ kuni osiltik xchiʼuk tsots skʼoplal li abtelal ta jpastik li ta osil ti xkoʼolaj ta jun paraisoe, tsots jkʼoplaltik chilutik Jeova akʼo mi muʼyuk tsots skʼoplal yilel li kʼusi ta jpastik ta s-organisasione.
Parejo laj yichʼ chʼakel li osile
Li kʼusi laj yil Esekiele chakʼ ta ilel ti xuʼ skʼupinik li kʼusitik lekik x-ayan ta Albil Balumil skotol li j-israeletike. Xijmuyubaj tajek ti chakʼ Jeova ti xij-och li ta osil ti xkoʼolaj ta jun paraisoe xchiʼuk ti jkʼupintik li bendisionetik chakʼe.