LI JKUXLEJALTIKE
¿Kʼuxi xuʼ jchʼuntik ti melel li kʼusi chal Vivliae?
Li Skʼop Diose xuʼ sjel jkuxlejaltik (Ebr 4:12). Pe jaʼ to me xuʼ jtabetik sbalil li beiltaseletik xchiʼuk li tojobtaseletik chal mi jchʼunojtik ti jaʼ «skʼop Diose» (1Te 2:13). ¿Kʼuxi xuʼ masuk to jchʼuntik ti melel li kʼusi chal Vivliae?
Jchantik jujun kʼakʼal li Vivliae. Kʼalal ta jkʼeltik batele, kakʼtik echʼel venta ti jaʼ te likem talel ta stojolal Jeovae. Jech kʼuchaʼal liʼe, jkʼeltik li slivroal Proverbiose, vaʼun kakʼtik venta ti jtunel-o kuʼuntik li tojobtaseletik te chale (Pr 13:20; 14:30).
Jsabetik mas skʼoplal. Skʼan jkʼelbetik lek skʼoplal li kʼusitik chakʼ kiltik ti likem talel ta stojolal Dios li Vivliae. Sventa spas kuʼuntike, jkʼeltik li Saʼobil sventa xchanik mas li stestigotak Jeovae, ti bu chal: «Li Vivliae», laje ti bu chal: «Yakʼoj ta naʼel Dios». Jech xtok, sventa masuk to jchʼuntik ti muʼyuk yichʼoj jelel li kʼusi chal Vivliae, xuʼ jkʼeltik li apendise A3 li ta Skʼop Dios sventa Achʼ Balumile.
MI LA AKʼELIK LI VIDEO ¿KʼU YUʼUN JCHʼUNOJTIK... TI JAʼ SKʼOP DIOS LI VIVLIAE?, TAKʼIK LI SJAKʼOBILTAK LIʼE:
Li lokʼoletik yichʼoj tael ta yibel templo ta Karnak (Egipto), ¿kʼuxi chakʼ ta ilel ti melel li kʼusi chal Skʼop Diose?
¿Kʼusitik chakʼ kiltik ti muʼyuk yichʼoj jelel li kʼusi chal Vivliae?
¿Kʼusi chakʼ jchantik ti muʼyuk lajem-o skʼoplal li Vivliae? (Kʼelo Isaias 40:8).