Spatuk oʼontonal li kʼusi chavale

Job 16:5

KʼUSI SMAKOJBE SKʼOPLAL: Jaʼuk xavakʼ ta avoʼonton yalel li kʼusi skʼan pasele xchiʼuk li kʼusi tspat oʼontonale.

KʼUXI TA PASEL:

• Lekuk kʼusi xanop ta stojolal li buchʼutik chchikintabote. Pato avoʼonton ti tskʼan tsmuyubtaik Jeova li avermanotake. Baʼyel kʼupil kʼoptavanan ta sjunul avoʼonton kʼalal skʼan toʼox xavakʼ junuk tojobtasele.

• Mu masuk xaval li kʼusi mu spat oʼontonale. Mi persa skʼan xavalbe skʼoplal li kʼusi mu spat oʼontonal kʼalal chavetʼes junuk mantale jaʼuk noʼox me xaval ti bu jtunele. Li kʼusi skʼan mas chavalbe skʼoplale jaʼuk me li kʼusi tspat oʼontonale.

• Lek xatunes li Skʼop Diose. Albo skʼoplal li kʼusi spasoj tal li Jeovae, li kʼusi yakal tspase xchiʼuk li kʼusi tspas ta jelavele. Teuk sta spatobil yoʼontonik xchiʼuk stsatsal yoʼontonik ta sventa li kʼusi chavale.