Skʼan jchʼiestik li melel kʼanelale

1. Buchʼu chchʼunbe smantaltak Jeova

ta xakʼ persa ta xchanbe stalel.

Oy jtos ti tsots skʼoplal skʼan xchʼies,

jaʼ ti x-ayan ta yoʼnton chkʼanvan.

Xuʼ xakʼ skotol kʼusi oy yuʼun,

xuʼ van toj ep ta jyalel spʼijil,

akʼo mi xcham sventa spoj yantik,

chʼabal sbalil mi mu snaʼ xkʼanvan.

2. Buchʼu skʼanoj ta melel xchiʼil

muʼyuk bu tsnakʼ ta yoʼnton mulil.

Xmalaj yuʼun xchiʼuk lek yoʼnton,

tskolta skotol buchʼu chil svokol.

Maʼuk tspas kʼusitik tskʼan yoʼnton,

mu snaʼ x-itʼixaj, muʼyuk tstoy sba,

ta xkuch yuʼun kʼusiuk preva.

Li kʼanele mu xlaj-o skʼoplal.