‹Yijuban ta mantal›

1. Yijuban ta mantal, mu me xalubtsaj.

Akʼbo yil skotolik ti tsots xchʼunel avoʼnton.

Chano lek kʼuxi xuʼ lek xbat avabtel,

li Diose ta skoltaot.

Alo bal li lekil aʼyeje,

jaʼ chanbo li stalel Jesuse.

Mu xalub, tukʼ xatun ta stojol Jeova,

muʼyuk bu ta skomtsanot.

2. Yijuban ta mantal, mu me xalubtsaj.

Ta spʼejel balumil alo bal lekil aʼyej.

Mu xaxiʼ ta spasel kʼusi tskʼan Jeova,

sil kʼakʼal akʼbo yipal.

Xuʼ van ep buchʼutik tsibtasot,

pe mu me xlik nikuk avoʼnton.

Akʼbo snaʼ skotolik ti tspas xa mantal

Xnichʼon Dios ta vinajel.

3. Yijuban ta mantal, mu me xalubtsaj.

Baxboluk xapas-o

kʼusitik abainoj.

Ep abtel skʼan pasel, akʼo me persa,

mukʼul Dios chakʼ avipal.

Li buchʼu lek chaʼi mantale

sut kʼelo xchiʼuk chanubtaso.

Li xchʼunel yoʼntone kʼunkʼun chlik chʼiuk,

vaʼun xuʼ sta skolebal.