KʼEJOJ 95
Jujun kʼakʼal mas xojobaj lus
1. Oy ep yajtunel mukʼul Dios ta voʼne
ti lek snaʼojik ti chtal Kristo.
Albil ti jaʼ chakʼ spatobil koʼntontik
mi vul ta lokʼel li Mesias.
Sta xa yorail tsventain balumil,
Jesus jaʼ xa lik spas mantal.
Solel kʼupil sba kʼusi chkʼot ta pasel,
kʼalal anjeletik tskʼan tsnaʼik.
(ESTRIVIYO)
Jujun kʼakʼal mas xojobaj lus,
mas xa lek xvinaj bu chijbat.
Jeova yakal chakʼ ta naʼel lek
skotol kʼusi chkʼot ta pasel.
2. Jesus la svaʼan jtsop pʼijil mosoil
sventa chakʼ kiltik bu tukʼil be.
Lek ta yorail chakʼbutik jveʼeltik,
yoʼ mu xijnamaj ta stojol Dios.
Jamal xa xvinaj bu beal skʼan xijbat,
yuʼun sak jaman xa osil.
Skʼan me jtojbetik ta vokol mukʼul Dios,
yuʼun jaʼ snioʼal kʼupil lus.
(ESTRIVIYO)
Jujun kʼakʼal mas xojobaj lus,
mas xa lek xvinaj bu chijbat.
Jeova yakal chakʼ ta naʼel lek
skotol kʼusi chkʼot ta pasel.
(K’elo xtok Rom. 8:22; 1 Kor. 2:10; 1 Ped. 1:12).