Slikeb loʼil ta sventa li Skʼop Diose

Li ta Vivliae oy lekil aʼyejetik yuʼun Dios ti jtunel kuʼuntik li avie. Chakʼ ta ilel kʼuxi xuʼ lek xbat li jkuxlejaltike xchiʼuk kʼuxi xuʼ lek xilutik li Diose. Jech xtok, tstakʼ li sjakʼobiltak liʼe:

1. ¿Buchʼu jaʼ li Diose?
2. ¿Kʼuxi xuʼ xavojtikin li Diose?
3. ¿Buchʼu la stsʼiba li Vivliae?
4. ¿Mi koʼol kʼusi chal Vivlia xchiʼuk li siensiae?
5. ¿Kʼusi chalbe skʼoplal sliklej li Vivliae?
6. ¿Kʼusi laj yal Vivlia ta sventa li Mesiase?
7. ¿Kʼusi laj yal Vivlia ta sventa li jkʼakʼaliltike?
8. ¿Mi jaʼ van ta smul Dios li vokoliletik ta jnuptantike?
9. ¿Kʼu yuʼun chkil jvokoltik?
10. ¿Kʼusi chal Vivlia ti chkʼot ta pasel ta mas jelavele?
11. ¿Kʼusi chkʼot ta pasel kʼalal oy buchʼu chchame?
12. ¿Kʼusi jmalaojtik chkʼot ta stojolal li buchʼutik chamemike?
13. ¿Kʼusi chal Vivlia ta sventa li abtelale?
14. ¿Kʼuxi xuʼ lek xatunes li atakʼine?
15. ¿Kʼuxi xuʼ xamuyubaj?
16. ¿Kʼuxi xuʼ xkuch avuʼun li vul oʼontone?
17. ¿Kʼuxi tskolta avutsʼ avalal li Vivliae?
18. ¿Kʼuxi xuʼ xanopaj ta stojolal li Diose?
19. ¿Kʼusi chalbe skʼoplal li jujun livroetik ta Vivliae?
20. ¿Kʼuxi xuʼ xatabe lek sbalil kʼalal chakʼel li Vivliae?

KʼUXI TA SAʼEL LI TEKSTOETIK TA VIVLIAE

Li Vivliae yichʼoj 66 bikʼtal livroetik. Pasbil ta chaʼvokʼ: li jvokʼe jaʼ li Tsʼibetik ta Ebreo xchiʼuk Arameo kʼope («Pokoʼ Testamento»), li jvokʼ xtoke jaʼ li Tsʼibetik ta Griego Kʼope («Achʼ Testamento»). Li jujun livroetik ta Vivliae chʼakbil ta kapitulo xchiʼuk ta versikulo. Kʼalal chichʼ saʼel jun tekstoe, jaʼ baʼyel chtal li sbi livroe, li baʼyel numero ta xokone jaʼ li kapituloe, li yan numero chtale jaʼ li versikuloe. Jech kʼuchaʼal liʼe, Jenesis 1:1 jaʼ skʼoplal slivroal Jenesis, kapitulo 1, versikulo 1.