REKUADRO 21A
Skʼan xachʼakik komel jsep osil ti vokʼbil sventa Diose
Jkʼeltik batel li jsep osil ti skʼan chʼakel komel ti akʼbat iluk yuʼun Jeova li Esekiel ti oy kʼusi chtun-o ta mas tsʼakale. Laj yil voʼchʼak osil, ¿kʼusi sbitak xchiʼuk kʼusi chtun-o?
«Jsep osil ti vokʼbil sventa Dios»
Li jsep osile chtun sventa li ajvalilale xchiʼuk lek chapal li kʼusitik te tspasike.
«Sjunul li osil ti vokʼbil sventa Diose»
Jaʼ jsep osil ti jaʼ sventa paleetik, jlevietik xchiʼuk li jteklume. Jech xtok, oy junantik li 12 ta vokʼ nitilulal yuʼun Israele te ch-ochik sventa xichʼik ta mukʼ Jeova xchiʼuk tskolta sbaik sventa lekuk chapal li kʼusitik te tspasike.
«Li yosil bankilale»
«Li osil taje jaʼ chkʼot ta sparte ta Israel li bankilale».
«Jsep chʼul osil»
Li jvokʼ osil ta akʼole jaʼ sventa li jlevietike xchiʼuk jaʼ jsep chʼul osil. Yan li ta oʼlole jaʼ sventa li paleetike. «Chkʼot ta yavil snaik xchiʼuk chkʼot ta xchʼul avil templo».
«Yan jvokʼ osil»
«Li osil taje jaʼ chuʼunin li jteklum Israele» xchiʼuk «jaʼ sventa jmoj stunesik li jteklume, sventa naetik xchiʼuk sventa yaxaltik».