XCHANOBIL 58
Tukʼuk˗o xavakʼ aba ta stojolal li Jeovae
Li melel yajtsʼaklomtak Kristoe muʼyuk kʼusi chmakatik˗o yoʼ jaʼuk noʼox xichʼik˗o ta mukʼ li Jeovae. Jnaʼojkutik ti chakʼan tukʼ chavakʼ aba eke xchiʼuk ep sbalil chil li Jeovae (kʼelo 1 Kronikas 28:9). Pe ¿kʼusitik xuʼ xanuptan ti jaʼ xa muʼyuk tukʼ˗o chavakʼ aba ta stojolal li Jeovae? ¿Kʼusi xuʼ xapas sventa stsal avuʼun?
1. ¿Kʼusitik tspasik yantik ti xuʼ muʼyuk xa tukʼ˗o chkakʼ jbatike?
Junantike oy kʼusitik tspasik venta mu xa xijtun ta stojolal li Jeovae. Junantik li buchʼutik yiktaojik xa mantale oy kʼusitik chopol chalik ta stojolal li j˗organisasiontik sventa xkʼunib li xchʼunel koʼontontike. Taje jvalopatinej mantal sbiik. Jech xtok, junantik jnitvanejetik ta relijione oy kʼusitik jecheʼ chalik ta jtojolaltik sventa xchibajik li buchʼutik kʼunik noʼox ta mantale. Xibal me tajek sba mi chkakʼtik persa sventa x˗och ta rason kuʼuntik li jvalopatinej mantaletike xchiʼuk li jnitvanejetik ta relijion taje. Xibal sba xtok mi ta jchanbetik li slivroike, mi chij˗och ta spajinaik ta Internet o mi ta jkʼelbetik li svideoike. Xi xa onoʼox yaloj li Jesuse: «Mu xatukʼulanik, maʼsat jbeiltasvanejetik maʼ leʼe. Yuʼun mi maʼsat li buchʼu tsbeiltas jun maʼsat vinike, xchaʼvoʼalik chbalchʼujik ochel ta chʼen» (Mateo 15:14).
2. ¿Kʼuxi xuʼ xkakʼtik ta ilel ti tukʼ chkakʼ jbatik ta stojolal Jeova kʼalal oy kʼusi ta jnop ta jpastike?
Ta skoj ti jkʼanojtik Jeovae, muʼyuk ta jtikʼ jbatik spasel li kʼusitik tspasik li jecheʼ relijionetike. ¿Kʼuxi taje? Jaʼ ti mu teuk tsakal skʼoplal xchiʼuk jecheʼ relijion li kabteltike, li organisasion bu tikʼilutike o kʼusiuk noʼox ti ta jpastike. Xi tspʼijubtas steklumal li Jeovae: «Lokʼanik tal te», jaʼ xkaltik, li ta Mukʼta Babiloniae (Apokalipsis 18:2, 4).
JCHANTIK TO BATEL MAS
Kʼelavil kʼusi xuʼ xapas yoʼ tukʼuk˗o xavakʼ aba ta stojolal li Jeovae. Jech xtok, kʼelavil kʼu yuʼun ti jaʼ svinajeb ti tukʼ chavakʼ aba mi muʼyuk te akʼoplal li ta Mukʼta Babiloniae.
3. Kʼelo me aba ta stojolal li jecheʼ jchanubtasvanejetike
¿Kʼusi van ta jpastik mi oy kʼusitik chopol chalik ta stojolal li s˗organisasion Jeovae? Kʼelik Proverbios 14:15 xchiʼuk albeik skʼoplal li sjakʼobil liʼe:
¿Kʼu yuʼun skʼan xkichʼ jpʼijiltik xchiʼuk ti mu jchʼuntik skotol li kʼusitik chkaʼitike?
Kʼelik 2 Juan 9-11 xchiʼuk albeik skʼoplal li sjakʼobiltak liʼe:
¿Mi stakʼ jkʼopontik li jvalopatinej mantaletike?
Akʼo mi muʼyuk ta jchiʼintik li jvalopatinej mantaletike, ¿kʼuxi van xuʼ sokes jnopbentik mi ta jchikintabetik o mi la jkʼeltik li kʼusitik chakʼik ta chanele?
¿Kʼu van yelan chaʼi sba Jeova xanaʼ mi la jchʼuntik li kʼusitik chopol chalik ta stojolale o ta stojolal li s˗organisasione?
4. Tukʼ xavakʼ aba ta stojolal Dios kʼalal tsots tspas smul junuk ermanoe
¿Kʼusi skʼan jpastik mi laj kaʼitik ti tsots la spas smul junuk ermanoe? Kʼelavil kʼusi chakʼ jchantik li mantal laj yalbe j˗israeletik li Jeovae. Kʼelik Levitiko 5:1.
Jech kʼuchaʼal chal li versikulo liʼe, skʼan xbat kalbetik moletik mi laj kaʼitik tsots la spas smul junuk ermanoe. Pe li kʼusi mas leke, jaʼ ti baʼyeluk xkalbetik li buchʼu la spas smul ti akʼo jamal xalbe li moletike. Pe mi mu skʼan xalbee, voʼotik chkalbeik li moletike, yuʼun ta jkʼan tukʼ chkakʼ jbatik ta stojolal li Jeovae. Mi jech la jpastike, ¿kʼu yuʼun jaʼ svinajeb ti jkʼanojtik xchiʼuk tukʼ chkakʼ jbatik ta stojolal...
... li Jeovae?
... li buchʼu la spas smule?
... li tsobobbaile?
¡Koltao me mi oy buchʼu la spas smule!
5. Mu me teuk akʼoplal li ta Mukʼ ta Babiloniae
Kʼelik Lukas 4:8 xchiʼuk Apokalipsis 18:4, 5 xchiʼuk albeik skʼoplal li sjakʼobiltak liʼe:
¿Mi te to van tsakal jbi ta junuk jecheʼ relijion?
¿Mi te van tsakal skʼoplal ta jecheʼ relijion li organisasion bu tikʼilune?
¿Mi te van tsakal skʼoplal ta jecheʼ relijion li kabtele?
¿Mi oy to kʼusi skʼan xkikta spasel ti te tsakal skʼoplal ta jecheʼ relijione?
Mi jaʼ jeche, ¿kʼusitik skʼan xapas?
Junuk me avoʼonton xakom yuʼun li kʼusi chanop chapase xchiʼuk vinajuk ti tukʼ avakʼoj aba ta stojolal Jeovae.
¿Kʼusi van chapas mi oy buchʼu laj yalbot ti xakolta junuk organisasion ti te tsakal skʼoplal ta jecheʼ relijione?
JUNANTIKE XI CHALIKE: «Mi muʼyuk ta jkʼel o ta jchikinta li kʼusi chal li jvalopatinej mantaletike, ¿kʼuxi xa noʼox ta jpakbe skʼoplal kʼusi xchʼunoj li stestigotak Jeovae?».
¿Mi lek van ti jech ta jpastike? ¿Kʼu yuʼun ti jech chavale?
¿KʼUSI LA ACHAN?
Mi ta jkʼan tukʼ chkakʼ jbatik ta stojolal Jeovae, skʼan mu jchiʼintik li buchʼutik tsokesutike.
Svulesobil ta joltik
¿Kʼu yuʼun skʼan mu jchikintatik li kʼusitik chalik li jvalopatinej mantaletike?
¿Kʼusi sk’an jpastik mi laj ka’itik ti tsots spasoj smul junuk ermanoe?
¿Kʼusi skʼan jpastik yoʼ mu jtikʼ jbatik jsetʼuk li ta jecheʼ relijione?
XUʼ TO XAKʼEL LIʼE
Kʼelo kʼusi xuʼ xapas mi oy buchʼu jecheʼ kʼusi chal ta stojolal li stestigotak Jeovae.
«¿Mi jnaʼojtik lek ti jaʼ jech kʼot ta pasele?» (Li Jkʼel-osil ta toyole, agosto ta 2018)
¿Kʼuxi xuʼ jnaʼtik mi te tsakal skʼoplal ta Mukʼta Babilonia li jun organisasion bu tikʼilutike o li kabteltike?
¿Kʼusitik spasojik li buchʼutik tskʼan chchibajes koʼontontike?
Kʼelavil sloʼil xkuxlejal jun pale ti laj yikta komel li jecheʼ relijione, «Ta jbikʼtal onoʼox lik jsaʼ li Diose».
«Jelbat˗o xkuxlejalik yuʼun li Vivliae» (Li Jkʼel-osil ta toyole, xchanobil)